1Korin 1:5 - Matu Chin New Testament 2006

⁵ Metihtiah Khrih oen pumkhatla awmna rang oen ah awlcal thingkaa oen thoemthai cuihna boeih ah khaw soeprep boeih ah na bawireng soeh u poen.

Matu Bible

⁵ A cungkuem dongah amah lamloh olka cungkuem nen khaw, mingnah cungkuem nen khaw na boei uh.

1Korin 1:5 Iomraidhean Croise

Caeltueih 2:4

Ahimi tah Ciim Muithla oen betoet u tih Muithla lawngah a thui sak angla awl tloe la cal u.

Rom 11:12

Judah thlaang thli kah thawlhna lawng dilai ah yotheen kam-awmna yahawh avan khuen tih ahimi kah sung-adeuhna lawng Gental hue hamla yotheen kam-awmna yahawh hlang avan khuen. Tecoengah Judah thlaang yahawh lawng asoepcala a thuum u van veng atah yotheen kam-awmna te metihtlukla asoep tare ai!

Rom 15:14

Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

Rom 15:4

Caciim dawngah a thut soeprep boeih tah mami he cangpueina ham oen toelthaamna ham ni. Te tila a thut te tah, Caciim lawng mami m'peek uehthaina oen thincakna rang oen ah mami lawng ngaiuepna te khueh ham ni.

1Korin 12:10

Thlaang pakhat teng atah kawpoek rai saithaina huham tharana te Muithla lawng a peek tih atloe teng atah Pathen awlthang thui thaina kutdo te a peek; tecoengah atloe khat teng atah kutdo thli he Muithla ben kah aka law aw, Muithla ben kah aka law nawh aw tite pekbona ham thoemthaina te a peek. Thlaang pakhat teng atah mingnawh awl cal hamla thoemthaina te a peek tih atloe pakhat teng atah mingnawh awl te thuicaih thaina te a peek.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 13:8

Lungna tah dungyan toela cak. Tawngha awl te thui thaina awm cakhaw kawlkalh ah boeih ai; ming nawh awl cal thaina awm cakhaw boet ai; cuihhoena awm cakhaw khum kang ai.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

1Korin 8:11

Tedawngah tha aka yoek thlaang na maya manau, Khrih lawng a duek thil thlaang thli te nangmi kah ‘Cuihhoena’ lawngah te a rawk sak poen ai!

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

2Korin 8:7

Nangmi tah oengna, awlthuina, cuihhoena, thlaangtloe bawm ngaihna thinkaw, kaimi nan lungna thinkaw oen ah te na bawi u tangkiik mai. Tedawngah ni he lungna bii dawngah khaw thinkaw aka tho thlaang la na awm u van ham ka ngaih u.

2Korin 9:11

Nangmi lawng moeihoeihla na peek poepa ham ah nangmi te kuirang thlaanglen la n'coeng sak ai. Nangmi kah kutdo peek te kaimi kut dawng kalawng patoeng aka do thlaang thli lawng Pathen te a koeh u ai.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

Kolosa 2:3

Khrih tah Pathen kah cuihna oen mingna kaawn thuh la aka awm boeih te awngna caabi ni.

Kolosa 3:10

He thlaang thaai hingna saikung Pathen lawng amah mueime oen aka lo u tare ham boet ohla athaai sak poepa. Te tila athai sak he tah nangmi lawng amah te atheenla na mingna ham ni.

James 3:13

Nangmi tim ah mingna aka khueh thlaangcuih pakhat mai khaw awm aw? A awm atah atheen hingna oen ah tueng sak seh. Cuihna, boe-ngaaina, atheen a saina oen ah tueng sak seh.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.