1Korin 1:30 - Matu Chin New Testament 2006

³⁰ Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

Matu Bible

³⁰ Tedae amah lamkah nen ni Khrih Jesuh ah na om uh. Anih tah mamih ham Pathen taengkah cueihnah, duengnah, cimcaihnah neh tlannah lam khaw om.

1Korin 1:30 Iomraidhean Croise

Mathai 1:21

Ahih lawng capa a cuun vetih a miing ah Jesuh tila na sak ai, metihtiah a thlaang thli te a thawlhna kalawng a thlawn ai.” a tina.

Luka 11:49

He kawngah he Pathen kah Cuihna lawng, ‘Ahimi tengah tawngha thli oen laipai thli te ka tuih ai; ahimi lawngah khatsut te a ngawn u vetih atloe hue te tah a heem a tek u ai? tila a thui.

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 17:26

Kai nan lungna te ahimi khuiah awm tih kai khaw ahimi khuiah ka awmna ham nang te ahimi ka ming sak poen, ka ming sak baal hun ai.” tila thangthui.

Johan 17:8

Nang lawng nan peek awl te ahimi ka peek tih ahimi lawng a do u; kai he nang teng kalawng ka law ti he soeng tangtang tila a ming u tih kai he nang lawng nan tuih ni tila a tangna u.

Johan 8:12

Jesuh lawngah Farasi thlaang thli nala te, “Kai tah dilai aangna ni, a-u khaw ka hu ah aka bang tah hingna aangna te a khueh vetih yiinna khuiah yingyawi tlaih manawh.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 11:36

Thaihu boeih he amah lawng a sai, thaihu boeih amah rang oen awm tih amah ham ni. Pathen tengah ayoeyahla ruep-awmna awm hawn seh! Amen.

Rom 12:5

Tetih van la mami khaw thlaang yahawh mai de Khrih ah pumkhatla awmna rang oen pumkhatla n'coengg tih pum dawngkah abeek tloe tloe he pakhat oen pakhat a tuhkai u van angla mami khaw khat oen khat m'pha u boeih.

Rom 16:11

Kamah kah Judah thlaangphun Herodion oen Nasisas imkhuikaw Khrihca maya manau khaw kan toei u.

Rom 16:7

Andronikas oen Junias te khaw ka toei, ahih rawi tah kai oen thong aka tla haih Judah thlaangphun ni. Ahih rawi te celtuih thli lawngkhaw atheenla a ming u. Kai lak ah lamhala Khrihca la aka awm hih ni.

Rom 4:25

Mami kah thawlhna phu ah ahih tah duek tih Pathen oen mami roeproeina ham a thawh sak koep.

Rom 4:6

Biibina khat khaw thuum muehla Pathen lawng thlaangdoeng la a pawm thlaang pakhat kah awmngaihna te Devid lawng a thui vengah a thui-ngaihna tah he tila awm:

Rom 5:19

Thlaang pakhat kah awlngaaina nawh lawng thlaang boeih te thlaangthawlh la a coeng sak, tetih van angla thlaang pakhat kah awlngaaina rang oen thlaang boeih te Pathen lawng thlaangdoeng la a khueh ai.

Rom 5:21

Tedawngah thawlhna lawngtah duekna te a hawna tih a uk, tetih van angla doengna lawngtah Pathen kah lungvatna oen a uk tih mami kah Jesuh Khrih rang oen mami te dungyan hingna benla n'ceh puei u.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:23

Te tila a suen thaihu bueng lawngah kopaang u nawh, Muithla te lamhacuek Pathen kutdo la aka dang mami pum he loeih sak ham aka ring mami boeih khaw kawdaang ah ng'kopaang u van.

Rom 8:9

Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

1Korin 1:2

Pathen kah thlaangciim la awm ham khue la aka awm tih Jesuh Khrih oen tuhkaina rang oen ah amah kah a koe la aka awm Kawrin khaaw kah Pathen Khrihcabu, mami oen ahimi kah Bawipa la aka awm Jesuh Khrih te a bok tih khaaw tawm ram tawm ah aka awm thlaang thli tengah khaw, naangmi tengah khaw ca kavan pat u:

1Korin 1:24

tede Gental thlaang khaw, Judah thlaang khaw seh Pathen lawng a khue thlaang thli ham tah te awlthang te tah Pathen kah cuihna oen tharana la aka awm Khrih te ni.

1Korin 12:18

Tede Pathen lawngtah pum dawngkah a beek thli he amah lawng a khueh ngaihna ah atloetloela a khueh.

1Korin 12:27

Nangmi boeih tah Khrih kah pum la na awm u tih a beek la rip na awm u.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

1Korin 6:11

Thlaang khatsut tah te tila te thoem na awm u. Tede nangmi tah na thawlhna avan ciim sak poen; Nangmi ngoen tah Pathen tengah na tlungmu u poen; Bawipa Jesuh Khrih rang oen Pathen kah Muithla rang oen ah nangmi tah Pathen oen na roeproei u poen.

2Korin 12:2

N'hu kum thlailii vengah khrihca thlaang pakhat vaan asang koek la a pawmsang hang te ka ming (He tila apawmsang hang te a taktang kai aw, tihnawhtah huhthlaam aw ka huh kai, ka ming nawh - Pathen lawng ni a ming).

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

Ephesa 1:10

Pathen lawng atue akhoek vengah soep sak ham a ngaih tah vaan oen dilai dawngah aka awm soeprep a sai boeih te thik at la cawitun tih Khrih te a luu la khueh sak ham te ni.

Ephesa 1:14

Muithla he tah Pathen lawng a thlaang thli tengah awl a kam te mami lawng n'dang ngai ai tila aamahkhan la awm tih amah kah thlaang thli tengah loeihna aka soep te Pathen lawng a peek ai tila mami kah ngaitluepna la khaw awm. Mami lawngah amah kah ruep-awmna te thangpawm u lah sih!

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

Ephesa 5:26

Ahih lawngah he tila a sai, khrihcabu te tui oen aciimla a silh coengah a awl oen Pathen tengah a peek.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

Kolosa 1:14

a Capa rang oen mami tah n'loeih u tih mami thawlhna boeih te khawdawp avan ngaai poen.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 9:12

Jesuh lawngah riim-im Huen Ciim Koek khuila vai khat ah dungyan ham akhoekkoengla a kuun vengah me-ee thi oen vaitaw thi te luciik la nawn ham khuen nawh; amah kah thisen te ni a khuen tih mami ham dungyan hingna te avan sai.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

1Peter 1:2

Jesuh Khrih awl te na ngaai tih amah kah thisen oen ciim sak hamla Pathen kah mengtengna angla nangmi tah tuek la na awm u tih amah Muithla lawng thlaangciim la n'sai u. Lungvatna oen ngaimawngna tah nangmi tengah asoepbirla awm hawn seh.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

1Johan 5:6

Jesuh Khrih tah amah kah Baptisma huhna tui oen a duekna thisen oen ah aka law ni. Ahih tah tui bueng oen law nawh tih pahih bok la tui oen thisen oen ah va law. He tah soeng tangtang tila Muithla amah roe lawng sausi a deeng, metihtiah Muithla tah awltak la a awm dawngah ni.

Olphong 14:4

Te thli tah amah oen amah kuemsuem u tih hutaa tawngpa thawlhna aka sai nawh cadawng cuem la awm u tih tuuca a cehna roekk ah a vai u. Ahimi te tah thlaang boeih tim kah tlang tangte la awm u tih Pathen oen Tuuca tengah a nawn lamhacuek ni.

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.