1Korin 1:18 - Matu Chin New Testament 2006

¹⁸ Metihtiah thinglam dawngah Khrih kah duekna kawng awlthang he ha-ata lii thlaang thli hamla tah awlpoei la awm de, mami thlawn la aka awm lii hue ham tah Pathen kah tharana ni.

Matu Bible

¹⁸ Thinglam olthang tah aka poci rhoek ham angnah la om dae mamih a khang rhoek ham tah Pathen kah thaomnah la om.

1Korin 1:18 Iomraidhean Croise

Caeltueih 13:41

‘Hutung u lah! Nangmi nuihbu la thlaang aka sai hue! Lakueng uekcuek lang duek uh! metihtiah tihin ah ka sai ham koei he thlaang pakhat lawng van thui u cakhaw, na tangna u roe manawh!’ tila a thui” a tina.

Caeltueih 17:18

Epikuras kah cangpueina aka vai thli kah cangpueikung hue oen khaw, Stoik a ti u cuihna te aka cangpueikung hue oen khaw ahih tah oelhtaih u. Ahimi tim-kah khatsut lawngah, “He kah thlaang koeih pavaih nawh lawng he n'tu nuem a thui van ca?” ti u. Thlaangtloe hue lawngah, “Ram tloe kah pathen kawng ni a thui muema he.” a tina u. Pawl lawngah Jesuh kawng oen a thawhkoepna kawng a thui dawngah ni ahimi lawng te tila te a tina u.

Caeltueih 17:32

Duekna kalawng thawhkoepna kawng Pawl lawng a thui te ahimi lawng a yaak u vengah thlaang khatsut lawng ahih te a nuihna u, tede thlaangtloe lawngtah, “He kah akawng alam na thui he yaak koep ham ka ngaih u.” a tina.

Caeltueih 2:47

Pathen te a thangpawm u tih ahimi te thlaang boeih lawng a hinyah u. Tecoengah thlawnna aka dang thlaang thli te Bawipa lawngah khawhin roekk ah ahimi bu khuiah te a kuun pe sak.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 15:2

Te tah nangmi tengah kavan phawng awlthang theen te ni. Nangmi lawng acakla na phoeih khak u atah te kah awlthang theen rang oen nangmi thlawnna na dang u, te tih nawh atah nangmi kah oengna te ahong la ni a awm.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 2:2

Metihtiah nangmi oen n'awm haih u vengah te awlpuila thinglam dawngah Jesuh Khrih kah a duekna kawng nawh atah soeprep boeih te hilh bangtlang tih thui tlaih nawh ham thinkaw ka melh rap poen.

1Korin 3:19

Metihtiah he dilai lawng cuihna tila a poek te Pathen mik huh atah a poei-oep mai ni. Caciim lawngah “Pathen lawngtah thlaangcuih thli te amami kah dongtung dawngah a man sak.” tila a thui,

1Korin 4:10

Kaimi he Khrih hamla thlaangngau la ka awm u; tede nangmi tah Khrih oen pumkhatla awmna rang oen ah thlaangcuih la na awm u! Kaimi tah ka tha yoek sut, tede nangmi tah na tha ra u! Kaimi tah thlaang kah hep-ahap la ka awm u, nangmi tah hinyah koei la na awm u!

2Korin 10:4

Kaimi lawng raal kahna ham ka hawna awva he tah dilai dawngkah awva nawh ni. Asoeng akam nawh awlpuungna te ka phe u,

2Korin 4:3

Kaimi lawng ka phawng u awlthang theen he thuh la a awm atah aka auh lii thlaang thli ham ni thuh la a awm ai.

1Thessalonika 1:5

Metihtiah Awlthang Theen te nangmi tengla kavan khuen u vengah awl bueng nawh tih huham tharana oen Ciim Muithla khaw, awltak asoengna te asoepa kavan khuen haih poen. Nangmi tengah ka awm u vengkah kaimi kah khawsakna te na ming u poen; te tah nangmi lawng na theenna ham ni.

2Thessalonika 2:10

aka rawk tih ha-ata ham koei thlaang thli sawah athe soeprep thai alatna te a hawna ai. Ahimi lawngah thlawnna hamla awltak te do u nawh tih a lungna u nawh dawngah ahimi boeih tah ha-ata boeih ai.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.

Hebrew 4:12

Pathen kah awl tah hing tih bii a bi, voeivaang aka hatt samsen lak ah khaw hatt ngaai. Hingna oen muithla a humna toe, ruhcong oen thling athawkk a humna toela a pek abo thai. Thlaanghing lungbui kah ngaihna oen poekna boeih te khaw a ming thai.