1Korin 1:13 - Matu Chin New Testament 2006

¹³ Khrih he bu la pekbo u aw! Nang ham thinglam dawngah Pawl aw aka duek! Nangmi he Pawl kah hubang la awm ham aw baptisma na dang u?

Matu Bible

¹³ Khrih loh a paekboe a? Nangmih ham Paul te a tai pawn pawt nim? Paul ming ah khaw na nuem uh a?

1Korin 1:13 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Mathai 3:6

Ahimi lawng a thawlhna boeih te a phawng u tih, Jordan tuiva ah ahimi te Johan lawng Baptisma a peek.

Caeltueih 10:48

Tedawngah ahimi te Jesuh Khrih miing oen ah baptisma dang hamla awl a peek. Tecoengah Piter te ahimi tengah khawhin ayawl khaw cam hamla a ceel u.

Caeltueih 19:5

Ahih lawng he awl he a yaak vengah Bawipa Jesuh miing ah baptisma te a dang u.

Caeltueih 2:38

Piter lawng ahimi nala te, “Nangmi boeih lawngah na thawlhna yut u langtah na thawlhna boeih khawdawp ngaaina hamla Jesuh Khrih miing oen ah baptisma hu u lah; te atah Pathen kah kutdo Ciim Muithla te na dang u ai.

Caeltueih 8:16

Metihtiah Ciim Muithla te ahimi timkah a-u pakhat tengah khaw law thlan hun; ahimi lawngah Bawipa Jesuh miing bueng oen ah baptisma te a huh u hun dawngah ni.

Rom 14:9

Metihtiah thlaang duek oen thlaanghing boeih kah Bawipa la awm ham Khrih tah duek tih tho koep poen.

1Korin 1:15

Tedawngah kamah kah hubang la awm ham baptisma ka dang tila a-u khat lawngkhaw thui thai manawh.

1Korin 10:2

Ahimi lawngah Mosi kah hubang la muui oen ah tuitunlii khuiah baptisma a dang u.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

Galati 1:7

Ataktang atah, “awlthang theen atloe” awm nawh, tede he tila ka thui he tah, nangmi te ngaihangtum la n'khueh tih Khrih kah awlthang theen te thawveel hamla aka yawm thlaang khatsut a awm dawngah ni.

Ephesa 4:5

Bawipa pakhat, oengna pakhat, baptisma pakhat awm:

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.