1Korin 1:12 - Matu Chin New Testament 2006

¹² Ka thui ngaih tah he ni: Nangmi pakhat rip lawngah athloek athloekla na thui u. Pakhat lawngah “Kai tah Pawl kah hubang ni” ti tih atloe khat lawngah, “Kai tah Apollos kah hubang ni,” ti, atloe khat lawngah, “Kai tah Piter hubang ni,” ti tih atloe khat lawng, “Kai tah Khrih hubang ni.” tila a thui u ti he ni.

Matu Bible

¹² Te dongah hekah he ka thui. Nangmih ah khat rhip loh, “Kai tah Paul kah ni, Kai tah Apollos kah, Kai tah Kephas kah, kai tah Khrih kah,” na ti uh.

1Korin 1:12 Iomraidhean Croise

Mathai 23:8

Tede nangmi tah, ‘Saya’ tila khue ham ngaih u boel, nangmi tah boenhui la na awm u dawngah, ‘Saya’ tila khue ham pakhat bueng ni na khueh u.

Johan 1:42

Tecoengah Jesuh tengla Simon te a ceh puei. Jesuh lawng ahih te a bueh tih, “Nang tah Johan capa Simon na miingna, tede Sifas na miingna poen ai.” a tina. (He tah Piter tina oen lo hih tih “Lungto” tila thui ngaihna ni.)

Caeltueih 18:24

Tevengah te Alekzandria khaaw kah Apollos aka miingna Judah thlaang pakhat te Efesa khaaw la va law. Ahih tah awlthui a thoem tangkiik tih Caciim dawngkah awl te acek aneh la a ming.

Caeltueih 19:1

Kawrin khaaw ah Apollos a awm veng te ah, te kah peng te a hiil adawng tih Efesa khaaw te a pha. Te ah te hubang thli khatsut te a huh tih,

1Korin 1:11

Maya manau thli nangmi tim ah tawhsina awm tih Khloe kah imkhuikaw thlaang pakhat lawng avan thui.

1Korin 15:5

Piter tengah te phumpho tih tecoengah celtuih paha thlaihih tengah te a phumpho pe.

1Korin 15:50

Maya manau thli ka thuingaihna tah thi-asa oen a sai pum lawngah he Pathen Ram te paang thai manawh, tecoengah aka duek thai lawngah aka duek thai nawh te khueh thai manawh.

1Korin 16:12

Tecoengah manau Apollos kawng tah: atloe maya manau thli oen haih nangmi tengah ceh hamla ka thui pe poepa de tahe veng atah coengg thai thlan ai tila a poek. Te cakhaw a hoeng atoeih vengah law badai.

1Korin 4:6

Maya manau thli, nangmi kah theenna hamla he ang boeih he Apollos oen kamah he nuehtahna la ka hawna tih kavan thui. He tila ka thui he tah, “Phung-alam te pooeng voelh boel” tila a thui te nangmi lawng na mingna ham ni. Nangmi a-u khat lawngkhaw pakhat te tah koeh pakcal boel langtah atloe pakhat te tah thuitheet soeh aih boel.

1Korin 7:29

Maya manau thli, ka thuingaihna tah he tila ni: atue san hlang awm hang tlaih manawh, tedawngah tahe kalawng tah yu khueh thlaang lawngah yu khueh nawh thlaang angla awm seh;

1Korin 9:5

Kai lawngah atloe celtuih thli oen Bawipa kah a manau oen ah Piter mi angla yin ka cehna ah Khrihca la aka awm yu-aca te ka ceh puei thai van nawh ai aw?

2Korin 10:7

Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

2Korin 9:6

He he hilh u boel; caangti ayawlca aka tuh lawngtah caangthaih yoehca ni a yuun van ai; caangti yahawh aka tuh lawngtah caangthaih yahawh a yuun van ai.

Galati 2:9

Mawtkung la ka poek Jeem, Piter oen Johan mi lawngah Pathen lawng biitungpui kai m'peek te acak sak u; tedawngah ahimi lawng mami boeih he biibipuei ni tila noekna la kai oen Barnabas te kut n'tuuk u. Barnabas oen kai tah Gental thlaangphun tim ah bii bi ham tih amami tah Judah thlaangphun tim ah bii bi hamla ka kaw vai u.

Galati 3:17

Ka thuingaihna tah Pathen lawng Abraham oen paipi a sai tih te paipi te vai hamla awl a kam. Kum yalii sawmthum coengah Phungawl he peek la awm tih te lawngah paipi te phe thai nawh tih Pathen awlkam te khaw hoett thai nawh.