1Korin 1:10 - Matu Chin New Testament 2006

¹⁰ Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

Matu Bible

¹⁰ Manuca rhoek amah la boeih na thui ham te mamih boeipa Jesuh Khrih ming neh nangmih te kan hloep coeng. Te daengah ni nangmih khuiah paekboenah om pawt vetih kodok neh lungbuei khaw amah la, poeknah khaw amah la na om uh eh.

1Korin 1:10 Iomraidhean Croise

Mathai 9:16

A-u lawngkhaw angki pawn te hisa athaai oen baw vai nawh, hisa athaai oen a baw atah angki ruem te a doek vetih a puut kau tare ai.

Marku 2:21

A-u lawngkhaw a himbai ruem te bawna ham hisa athaai te hawna nawh; a bawna atah hisa athaai lawng aruem te a doek vetih a puut kau tare ai.

Marku 3:24

Ram pakhat ah amah oen amah athloekla pek u tih pakhat oen pakhat kaap u the kawinih te kah imkhuikaw tah pai thai manawh.

Johan 10:19

He kah awl dawngah he thlaangping tim ah pekbona te koep awm.

Johan 17:23

Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.

Johan 7:43

Tedawngah thlaangping hue tah Jesuh kawngah a kaw poek vai u nawh.

Johan 9:16

Farasi thlaang khatsut lawngtah, “He tila aka sai thlaang lawngah te Sabbath phung a vai nawh dawngah Pathen tengkah aka law thlaang nawh ni.” tila a thui u. Tede thlaangtloe lawngtah, “Thlaang thawlh pakhat lawng he ang kawpoekrai miknoekna he metila a sai thai ai?” ti u. Tedawngah ahimi tim ah pekbona te awm.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

Rom 1:13

Ka maya manau boeih, he he van ming u lah, nangmi tengla law ham ka kamthlah taitu poen de thaihu pakhat khat lawng n'kang poepa. Atloe Gental thlaang tim ah kawthawna ka khueh sak angla nangmi tim ah khaw kawthawna aka khueh awm sak ham ka ngaih tangkiik.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

Rom 12:16

Pakhat oen pakhat roeproei patoeng uh. Oekthloen u boel; tede huhsit koei bii te khaw bi uh. Namah oen namah te thlaangcuih la poek u boel.

Rom 15:30

Maya manau thli, mami Bawipa Jesuh Khrih oen Muithla kah peek lungna oen ah kai hamla kamah oen haih Pathen tengah thinkaw thluembuekcala thangthui ham kan ceel u.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

1Korin 1:11

Maya manau thli nangmi tim ah tawhsina awm tih Khloe kah imkhuikaw thlaang pakhat lawng avan thui.

1Korin 11:18

Lamhacuek ah nangmi lawngah Pathen bok ham na pum u vengah te bu la pekbona awm tila te ka yaak tih te tah soeng mai cawini ka ti.

1Korin 12:25

Tedawngah pum dawngah he pekbona awm nawh, a beek atloetloe lawngah khat oen khat kah theenna te a sai u.

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

1Korin 4:16

Tedawngah kai kah khawboe ramlang he na oett u hamla kan ceel u.

2Korin 10:1

Mami oen ng'awm haih veng atah awl kaa khaw thui nawh, athlathloei la a awm atah tluung-athang mai na ti u kai Pawl lawngah Khrih kah boe-ngaaina, kawdawna thinkaw oen ah reenna kavan bih u.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 13:9

Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 4:12

Maya manau thli, kai angla na awm u van ham reenna kavan bih u. Kai khaw nangmi angla ni ka awm. Nangmi lawng ka sawah thawlhpalhna na sai u nawh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 3:16

Me tih khawseh, mami lawng tahetoe ah n'vai u phung alam angla te hai benla cet u lah sih.

1Thessalonika 5:13

Ahimi kah biibina dawngah te asangla hinyahna lang lungna uh. Nangmi khat oen khat roeproeicala awm uh.

2Thessalonika 2:1

Maya manau thli, mami Bawipa Jesuh Khrih a lawna oen amah oen thik at la tun haihna kawngah;

1Timothy 5:21

Na saina boeih dawngah a-u tengah khaw pekbona oen mik-hai dan muehla na sai ham, thuituenna he nang lawng na vai hamla Pathen oen Khrih Jesuh oen ah aciim vanthlaang haiah ceetceet kan uen.

2Timothy 4:1

Thlaangduek oen thlaanghing awl aka cek ham koei Khrih Jesuh oen Pathen haiah awl ceetceet kan uen. Metihtiah ahih tah Sengpahrang angla uk ham law koep ai.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.