1Johan 5:20 - Matu Chin New Testament 2006

²⁰ Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.

Matu Bible

²⁰ Te dongah Pathen capa ha pawk te m'ming uh. Te vaengah oltak te ming sak ham mamih he kopoek m'paek coeng. Te dongah oltak neh a Capa Jesuh Khrih dongah n'om uh. Amah tah oltak Pathen neh dungyan hingnah la om.

1Johan 5:20 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Luka 24:45

Tecoeng atah caciim te a yaak ming thaina ham ahimi kah thinkaw te a awng pe tih,

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 10:30

A Pa oen kai he tah pakhat ni.” a tina.

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 14:23

Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 14:9

Jesuh lawngah, “Nangmi tengah asan hlang ka awm poen, nan ming thlan aw, Filip? A-u khaw kai he aka hu tah a Pa te a huh poen. Tetih atah n'tu ah, “Na Pa te kaimi n'huh sak lah na ti.

Johan 15:4

Kai dawngah he tuhkai u lang awm poe u lah, kai khaw nangmi oen ka tuhkai u vetih ka awm poe van ai. Misur kah a beek-athleeng lawng amah poek ah thaih thai nawh; misurkung oen poe a tuh u dengah ni a thaih thai. Te tih van angla nangmi khaw kai dawngah poe na tuhkai u nawh atah na thaih u thai manawh.

Johan 17:14

Nang kah awl te ahimi ham ka thui pe, kai he dilai koeva la ka awm van nawh angla ahimi khaw dilai koeva la awm u nawh tih ahimi he dilai lawng a thina u.

Johan 17:25

Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 20:28

Tawmas lawng, “Ka Bawipa oen ka Pathen” a tina.

Johan 8:42

Jesuh lawngah ahimi nala, “Pathen he nangmi kah na Pa tangtang kawinih kai he nan lungna u suide, metihtiah kai tah Pathen teng kalawng ka law tih tahe he ah he ka awm. Kamah kah aana oen ka law nawh, ahih lawng ni n'tuih.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Rom 9:5

Ahimi tah Hebru thlaangphun cuunkung patuer miingthang thli kah cadil la awm u, thlaanghing ben atah Khrih pateng ahimi kah a phun ni. Soeprep boeih ukkung Pathen tah yoeyahla a thaang theen hawn seh! Amen.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

Ephesa 3:18

te atah Pathen thlaang thli oen thik at la Khrih kah lungna metihtlukla adung tih asang, akau tih asan tite nangmi lawng na ming u ai.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Hebrew 1:8

A Capa kawng tah Pathen lawng: “Aw Pathen, namah kah ram tah dungyan toe cak ai! Nang lawngtah na thlaang thli te doengna oen na uk ai.

1Johan 2:23

A-u khaw Capa aka hoett tah Pa te khaw a hoett: A-u khaw Capa te aka do tah Pa te khaw a do.

1Johan 2:24

Tedawngah nangmi lawng acuekca kalawng na yaak u awl te na kaw khuiah khueh uh. Te awl te na khueh u atah Capa oen Pa oen ah pumkhatla nangmi poe na awm u ai.

1Johan 2:6

a-u lawngkhaw Pathen oen pumkhatla ka awm a ti atah Jesuh Khrih angla awm van ham awm.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.

1Johan 4:16

Te tila Pathen lawng mami n'lungna te kamami roeroe lawng ka ming u tih ka tangna u. Pathen tah lungna ni, a-u khaw lungna dawngah aka awm tah Pathen oen pumkhatla awm tih Pathen khaw ahih oen pumkhatla awm.

1Johan 4:2

Pathen benkah Muithla ni tila ming thaina ham tah he tila ni; a-u khaw Jesuh Khrih tah thlaanghing pumsa la va law tila aka ti boeih lawngtah Pathen tengkah aka law Muithla te a khueh.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

1Johan 5:15

Mami lawng amah tengah m'bih vengah a hutung tangtang tila m'ming u veng kalawng tah amah tengah m'bih boeih te khaw m'peek tila m'ming u baal.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

1Johan 5:5

A-u lawng dilai a taa thai? Jesuh tah Pathen Capa ni tila aka tangna thlaang bueng lawngah a taa thai.

Olphong 15:3

Ahimi lawngah Tuuca kah laa oen Pathen kah tuihyoeihthlaang Mosi kah laa te a sak u: “Bawipa Pathen Thara koek, metihtlukla na Lenduet tih na thaihu sai he kawpoek rai la a awm, Thlaangphun boeih kah sengpahrang, nang kah lawngpui tah metihtlukla asoeng tih adoeng!

Olphong 19:11

Tecoengah vaan aka awng u te ka huh tih, te ah te marang bawk pakhat awm. Te marang bawk aka cit te tah Uep-awm oen Awltak a miingna; doengna oen awl a cek tih ceemraal khaw a tloek.

Olphong 3:14

“Laudisia khaaw Khrihcabu kah vanthlaang tengah he tila thut lah: “Pathen lawng a suen thaihu boeih kah akungcuek la aka awm tih uep-awm oen ah ataktang sausi la aka awm Amen teng kah awl uenna tah he tila awm.

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.

Olphong 6:10

Ahimi lawng angaihhlangla pang u tih, “Aka ciim tih aka doeng Thara koek Bawipa! Kaimi aka ngawn dilai thlaang thli he awlcek nawh tih dan tat ohla metuek toe nuem na awm hun ai” ti u.