1Johan 5:19 - Matu Chin New Testament 2006

¹⁹ Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

Matu Bible

¹⁹ Pathen kah a hut la n'om uh te m'ming uh. Tedae diklai pum tah rhaithae kah hmuiah yalh.

1Johan 5:19 Iomraidhean Croise

Luka 4:6

Raaibawi lawng, “Huham tharana boeih oen he kah bawi areng kuirangna boeih he nang kan pe ai, he ang thli boeih he ka kut dawngah peek la awm poen tih kai lawng ka tuek thlaang te ka peek thai.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 14:30

He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Johan 16:11

He dilai ukkung thli he awl a cek poen dawngah awlcekna kawng te a thui ai.

Johan 17:15

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

Rom 8:16

Mami he Pathen amah kah ca-anau la n'awm tite thui ham Pathen kah Muithla amah roe te mami kah muithla oen tuhkai haih hih.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Johan 3:14

Mami tah duekna n'ceh taak u poen tih hingna khuila n'kuun poen tite m'ming u; te tila m'mingna tah mami lawng maya manau n'lungna dawngah ni. A-u khaw lungna aka khueh nawh tah duekna khuiah ni a awm hun.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.

1Johan 5:13

Pathen Capa aka tangna nangmi lawng dungyan hingna na khueh u te na mingna u ham he kah ca he nangmi tengah kavan thut.

1Johan 5:15

Mami lawng amah tengah m'bih vengah a hutung tangtang tila m'ming u veng kalawng tah amah tengah m'bih boeih te khaw m'peek tila m'ming u baal.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 20:3

Vanthlaang lawngah ruultluung te aboetna aka awm nawh ungrawm khuila a voeih tih ungrawm te a khaih khoep, kum thongkhat aboeih thlan atah nam tawm thlaang thli te thailatna tlaih nawh ham tacik a deng rap poen. Tecoeng atah kawlkalhca a thlah koep ai.