1Johan 5:13 - Matu Chin New Testament 2006

¹³ Pathen Capa aka tangna nangmi lawng dungyan hingna na khueh u te na mingna u ham he kah ca he nangmi tengah kavan thut.

Matu Bible

¹³ Pathen Capa kah ming aka tangnah rhoek loh dungyan hingnah na khueh uh te ming sak ham ni hekah he nangmih taengah kan daek.

1Johan 5:13 Iomraidhean Croise

Johan 1:12

Tecakhaw khatsut lawngtah ahih te a tangna u tih a do u; tedawngah ahimi te Pathen kah ca-anau la coenggna te a dang u.

Johan 2:23

Jesuh lawng Kaantaak Poei khui, Jerusalem ah a awm vengah kawpoekrai a sai te a huh u tih thlaang broe lawngah ahih te a tangna u.

Johan 20:31

Tede Jesuh tah Messiah, Pathen Capa ni tite nangmi lawng na tangna u tih ahih te na oengna rang oen hingna te na khuehna u ham he ang thli he thut la awm.

Johan 21:24

Ahih te tah he ang thaihu thli aka thuikung oen cathutkung hubang pakhat la awm tih ahih lawng a thui te soeng tila ka ming u.

Johan 3:18

A-u khaw Capa te aka tangna boeih tah awl cek manawh; tede a-u khaw aka tangna nawh tah awl cek la awm poen, metihtiah ahih lawngah Pathen Capa khuehduen khat bueng te a tangna nawh dawngah ni.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Caeltueih 3:16

Ahih kah a miing huham tharana lawng he kah khowkheem thlaang he tharana te a peek. Nangmi lawng na huh tih na ming u he tah ahih kah a miing oengna rang oen ni sai la a awm; nangmi boeih lawng na huh u angla Jesuh oengna lawng ni ahih he a sa ading sak.

Caeltueih 4:12

Ahih rang bueng oen ni thlawnna he huh thai la a awm; dilai pum ah he Pathen kah peek ahih nawh atah mami aka thlawn thai a-u khat khaw awm nawh.

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.

1Johan 1:4

Kaimi kah awmngaih asoepna hamla he ca he kaimi lawng kavan thut u.

1Johan 2:1

Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

1Johan 2:21

Tedawngah nangmi tengah ca kavan thut he awltak te na ming u nawh dawngah nawh tih, nangmi lawng awltak te na ming u tih awltak dawng kalawng hoem awl va thoeng vai nawh tite nangmi lawngkhaw na ming u van dawngah ni.

1Johan 2:25

He tah Khrih amah roe lawng mami peek ham awl a kam dungyan hingna he ni.

1Johan 2:26

Nangmi thailatna ham aka yawm hue kah akawng te nangmi tengah kavan thut.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:9

Pathen lawng a Capa khueh duen khat bueng te mami ham dilai la avan tuihna rang oen a lungna te a tueng sak tih ahih rang oen mami lawng hingna khuehna ham ni.

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.

1Johan 5:11

Te sausi tah he ni: Pathen lawng mami he dungyan hingna m'peek poen tih te hingna tah a Capa dawngah awm.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.