1Johan 4:6 - Matu Chin New Testament 2006

⁶ Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

Matu Bible

⁶ Mamih tah Pathen kah ni. Pathen aka ming loh mamih kah te a yaak. Pathen kah la aka om mueh loh mamih kah ol ya pawh. Tahae lamkah tah, oltak mueihla neh tholhhiknah mueihla te m'ming uh.

1Johan 4:6 Iomraidhean Croise

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Johan 10:16

He kah tuu-im khuiah aka awm nawh ka tuu thli atloe khaw awm hun. Te thli te khaw kavan khuen hun ai; te thli lawngah ka awl he a ngaai ai; tuu huui at la coengg vetih tuudoen pakhat oen awm u ai.

Johan 10:27

Kamah kah tuuca lawngtah ka awl he a hutung; tuu thli te ka ming tih ka hu ah va bang u.

Johan 10:3

Thawhka toetkung lawng ahih hamla thawh a awng pe; amah kah tuu thli te a miing oen a khue vengah ahih awl te tuu thli lawng a yaak pe tih ram la a ceh puei.

Johan 13:20

Awltak kavan thui u, kai lawng ka tuih thlaang te aka do tah kai he khaw n'do van, kai he aka do tah kai tuihkung te khaw a do van.” a tina.

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Johan 18:37

Tedawngah Pilat lawng koep a doet tih, “Tetih atah nang he sengpahrang aw?” a tina. Jesuh lawng, “Na thui angla kai tah sengpahrang ni. Kai lawng awltak thui ham ka ngaih pakhat dawng maiah ni he dilai ah ka law tih ka thang. A-u khaw awltak dawngah aka awm lawngtah ka awl he a ngaai u.

Johan 20:21

Jesuh lawng ahimi nala te, “Nangmi tengah ngaimawngna awm seh, a Pa lawng kai n'tuih van angla nangmi he kan tuih u.” tila koep a thui pe.

Johan 8:19

Ahimi lawngah, “Na Pa te mela a awm?” a tina u. Jesuh lawng, “Nangmi lawng kai he khaw nan ming u nawh, a Pa khaw na ming u nawh. Nangmi lawng kai he nan ming u kawinih a Pa khaw na ming u van ai” a tina.

Johan 8:23

Jesuh lawngah, “Nangmi tah adang ben dilai thlaang la na awm u, tede kai tah asawben kah aka law ni. Nangmi tah dilai thlaang ni, tede kai tah dilai thlaang nawh ni.

Rom 1:1

Khrih Jesuh kah tuihyoeihthlaang, Pathen lawng Awlthang Theen phawng hamla n'tuek tih n'khue celtuih Kai Pawl lawng ca kavan pat.

Rom 11:8

Caciim lawngah, “Pathen lawng ahimi kah thinkaw oen lungbui te a mong sak; tihin toe ah ahimi lawng hu thai nawh tih ya thai u nawh,” tila a thui angla awm tangtang.

1Korin 14:37

Thlaang pakhat lawngah amah oen amah Pathen kah laipai la ka awm tila khaw, muithla ben kah kutdo ka khueh tila khaw a poek atah nangmi tengah ca kavan thut he Bawipa kah awlpeek ni tite ming seh.

2Korin 10:7

Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

2Thessalonika 1:8

hairawng haialh oen a law vengah, Pathen aka hoett thlaang thli oen mami kah Bawipa Jesuh Khrih kawng Awlthang Theen aka vai nawh thli te dan a tat ai.

1Timothy 4:1

Hailam ben atah thlaang khatsut lawngah oengna te a hoett u ai tila Muithla lawng aciimphanla a thui; ahimi lawngah hoem thui muithla awl te a ngaai u vetih raaithe kah cangpueina te a vai u poen ai.

2Peter 3:2

Yan vengkah tawngha thlaangciim thli lawng a thui awl te oen nangmi kah celtuih hue teng kalawng nangmi teng peek la aka awm Bawipa oen thlawnkung tengkah awlpeek te na ming khuep u ham ka ngaih.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 4:8

A-u khaw lungna aka khueh nawhtah Pathen te ming nawh, metihtiah Pathen tah lungna ni.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

Jude 1:17

Tede, Ka paya thli, mami Bawipa Jesuh Khrih kah celtuih thli lawng n'hu vengah nangmi tengah avan thui u te hilh u boel.