1Johan 4:21 - Matu Chin New Testament 2006

²¹ Khrih lawng mami tengah m'peek a awlpeek tah “A-u khaw Pathen te a lungna atah a maya manau te lungna seh” a ti te ni.

Matu Bible

²¹ Pathen aka lungnah loh a manuca te khaw a lungnah van ham Amah lamkah olpaek he khaw n'dang uh.

1Johan 4:21 Iomraidhean Croise

Mathai 5:43

“Na paya thli lungna uh, na raal thli thina uh! a ti awl te na yaak u poen.

Luka 10:37

Phungawl cangpueikung lawngah, “Ahih aka reen thlaang te a imbe lovaai la awm.” a tina. Jesuh lawng, “Te atah nang khaw cet langtah te tila te sai van.” a tina.

Johan 15:12

Ka awlpeek tah he ni: kai lawng nangmi kan lungna van angla nangmi khat oen khat lung u van.

Galati 5:14

Metihtiah Phungawl boeih he, “Namah oen namah te na lungna u van angla na imbe lovaai te lungna lah” tila a thui awlpeek pakhat dawngah cui boeih poen.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

1Thessalonika 4:9

Nangmi lawng aka oeng na paya laikoei thli lungna ham a kawng te capat kavan thut ham ngoe nawh. Nangmi khat oen khat lung u ham Pathen lawng namami te n'cang puei u poen.

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

1Johan 2:7

Ka lungna ka paya thli, nangmi tengah kavan thut awlpeek he athaai nawh ni; acuekca kalawng nangmi lawng na khueh tangte awlpeek ruem te ni. Te awlpeek ruem te tah na yaak tangte awl te ni.

1Johan 3:11

Acuekca veng kalawng na yaak u awl te tah he ni: mami pakhat oen khat lung u sih ti he ni.

1Johan 3:14

Mami tah duekna n'ceh taak u poen tih hingna khuila n'kuun poen tite m'ming u; te tila m'mingna tah mami lawng maya manau n'lungna dawngah ni. A-u khaw lungna aka khueh nawh tah duekna khuiah ni a awm hun.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:11

Ka lungna ka paya thli, he tih aih la mami he Pathen lawng n'lungna atah mami khaw pakhat oen khat lung u van ham awm.