1Johan 3:7 - Matu Chin New Testament 2006

⁷ Ka ca thli, nangmi te a-u khat lawngkhaw n'thaina boel seh! Khrih tah thlaangdoeng la a awm angla a-u khaw doengna aka sai boeih tah thlaangdoeng van ni.

Matu Bible

⁷ Oingaih rhoek, nangmih te n'rhaithi boel saeh. Duengnah aka saii tah a dueng la om. Boeipa amah bangla a dueng la om.

1Johan 3:7 Iomraidhean Croise

Mathai 5:20

Tecoengah kavan thui u, Pathen kawngaih saina dawngah phungawl cangpueikung thli oen Farasi thli lak ah uep-awm ngaai la na awm u nawh atah Vaan ram khuiah na kuun thai manawh.

Luka 1:75

te tah mami lawng hing khuiah amah haiah ciim acaih tih adoengla awmna ham ni.

Caeltueih 10:35

A-u khaw amah te a bok tih doengna te aka sai boeih tah me ang thlaangphun khaw a hih lawng a do.

Rom 2:13

Thlaanghing he Pathen haiah thlaangdoeng la a awmna tah Phungawl te yaakna rang oen nawh tih Phungawl lawng sai a ti te saina rang oen ni.

1Korin 6:9

Pathen Ram te thlaangthe lawngtah paang manawh tite ataktangla na ming u ta. Namami oen namami te thailat u khoeng boel: Thlaanghalh paadak thli, kutsaimuei aka bok thlaang thli, samphaih thlaang thli, hutaa puei oen tawngpa puei oen ah aka thawlh thlaang thli,

Ephesa 5:6

Nangmi te awlpoei awlpit oen a-u lawngkhaw n'thailatna boel seh; he ang kawngah he amah awl te aka ngaai nawh tah Pathen thinsana te a yawkk ai.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Hebrew 1:8

A Capa kawng tah Pathen lawng: “Aw Pathen, namah kah ram tah dungyan toe cak ai! Nang lawngtah na thlaang thli te doengna oen na uk ai.

Hebrew 7:2

Abraham lawng raal kut kah avan khuen boeih thaihu paha ah pakhat te ahih a peek (Melkhizedek kah a miing, lamhacuek thuingaihna tah, “Doengna Sengpahrang,” ti ngaihna tih ahih tah Salem kah sengpahrang la khaw a awm dawngah ahih kah miing he “Roepna Sengpahrang,” tila khaw a thuingaihna ni.)

James 1:22

A awl te hutung doek hong mai oen namah oen namah te thai-alat u boel. A awl te ataktangla hawna lah.

James 2:19

Nangmi lawngah Pathen pakhat bueng awm ti he na tangna u. Theen ngoen! Raai thli lawngkhaw a tangna u tih rihna oen thuen u.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Johan 2:1

Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

1Johan 2:26

Nangmi thailatna ham aka yawm hue kah akawng te nangmi tengah kavan thut.

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.

1Johan 4:17

Awlcekna Khawhin ah mami lawng raltheenna khueh thaina hamla lungna tah mami dawngah avan soep sak poen; he dilai ah mami hingna tah Jesuh kah hingna oen avai u dawngah te raltheenna te ng'khueh ai.