1Johan 3:22 - Matu Chin New Testament 2006

²² Mami lawng amah kah awlpeek te n'vai tih a kawngaih te n'sai dawngah mami lawng amah tengkah m'bih boeih te n'dang u.

Matu Bible

²² Te dongah m'bih uh boeih te amah lamkah n'dang uh. A olpaek te n'kuem uh tih a hmaiah a kolo te n'saii uh.

1Johan 3:22 Iomraidhean Croise

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 21:22

Na oeng u tangtang atah thangthuina rang oen na bih u boeih te na dang u ai,” a tina.

Marku 11:24

Tedawngah ka van thui u: Nangmi lawng thangthuina oen na bih thaihu pakhat khat te ka dang poen tila tangna uh, te atah na bih sarui te m'peek ai.

Johan 14:13

Capa rang oen ah Pa kah ruep-awmna te a tuengna ham ka miing oen na bih boeih te kavan sai ai.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Johan 15:7

Kai dawngah na awm u tih nangmi khuiah ka awl he a awm atah nangmi lawng na bih thaihu te na dang u ai.

Johan 6:29

Jesuh lawng ahimi nala te, “Pathen lawng nangmi sai sak ham a ngaih te tah amah lawng avan tuih thlaang te tangna ham lawngah ni” a tina.

Johan 8:29

Tecoengah kai aka tuihkung te tah ka tengah awm; metihtiah kai lawngah ahih kah kawhoena te ka sai poepa dawngah kamah bueng n'ceh taak sut nawh.” a tina.

Johan 9:31

Kaimi lawng ka ming tah Pathen lawng thlaangthawlh awl te hutung pe nawh tih amah te a hinyah tih a kawngaih aka sai thlaang thli kah awl te a hutung pe tila ka ming u.

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Caeltueih 20:21

Pathen haiah na thawlhna yut tih mami kah Bawipa Jesuh te na tangna u ham Judah thlaang oen Gental thlaang khaw avan at la ngaithuenna rep kan peek u poen.

Philipi 4:18

Tecoengah nangmi kah thaihu pat boeih tite kavan thut tih akhoek anoen lak ah yahawh ngaaila navan pat u! Nangmi kah kutdo boeih te Epafroditas lawng avan khuen tih tahe atah ka ngoe boeih te ka khueh poen. Te ang thli boeih te Pathen lawng a ngaih tih a do luciik, Pathen tengah nawn la aka awm riimtuui angla awm.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

James 4:3

Nangmi lawng na bih u van de na dang u nawh, metihtiah nangmi lawngah namami kah pumsa awmtheen awmyaalna ah hawna hamla thaihu te na bih u tih nangmi kah poekna thinkaw te atheen nawh dawngah ni na dang u nawh.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

1Johan 2:3

Mami lawng Pathen kah awlpeek te n'vai atah amah te m'ming u tite aciimla m'ming.

1Johan 5:14

Mami lawng amah kawngaih angla me ang thaihu khaw m'bih u atah a hutung tite aciimphanla m'ming u dawngah Pathen haiah raltheenna mami lawng n'khueh u.