1Johan 3:2 - Matu Chin New Testament 2006

² Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.

Matu Bible

² Thintlo rhoek, Pathen kah a ca rhoek la n'om uh coeng. Tedae metla n'om uh ham khaw phoe hlan. Amah a om vanbangla m'hmuh uh ham dongah a phoe vaengah amah phek la n'om uh ni tila m'ming uh.

1Johan 3:2 Iomraidhean Croise

Mathai 5:8

“Thinkaw lungbui aka ciim tah yotheen kam-awmna aka lawng thlaang la awm; Ahimi lawng Pathen te a huh u ai!

Luka 17:30

Thlaanghing Capa kah khawhin a thoeng vengah khaw te tila awm van ai.

Luka 20:36

Ahimi tah vanthlaang angla awm u vetih duek thai manawh. Ahimi tah duekna kalawng tho koep u poen tih Pathen kah ca-anau la ni a awm u poen.

Johan 1:12

Tecakhaw khatsut lawngtah ahih te a tangna u tih a do u; tedawngah ahimi te Pathen kah ca-anau la coenggna te a dang u.

Johan 11:52

ahimi ham bueng nawh tih khawyat ah aka darh khonghak Pathen thlaang boeih pumkhat la cawi tunna hamla khaw a thui haih ni.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Rom 8:16

Mami he Pathen amah kah ca-anau la n'awm tite thui ham Pathen kah Muithla amah roe te mami kah muithla oen tuhkai haih hih.

Rom 8:18

Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

1Korin 13:12

Tahe ah mami lawng thaihu n'huh u he tah thlalang dawngah arui araila muei ame aka tueng angla ni a awm; vuenvai ah ngoen tah haitang heet la n'hu poen ai. Tahe ah kai lawng ka ming he avaang athal mai ni; Pathen lawng kai m'mingna he asoepbir van angla vuenvai ah ngoen tah asoepcala ka ming van ai.

1Korin 15:49

Dilai oen a sai thlaang kah muei asam oen ah mami n'khuk adah u van angla vaan ben thlaang kah muei-asam oen ah te mami n'khuk adah u van ai.

1Korin 2:9

Tede Caciim lawng a thui angla, “A-u lawng vaikhat khaw hu nawh tih ayaak nooek nawh, a-u lawngkhaw coengg thai ai tila poek nooek nawh te amah aka lungna thlaang thli hamla soeprep te Pathen lawng a roek a bah pe poen,” tila a thui.

2Korin 3:18

Tedawngah mami boeih tah mik-hai aka dah khoep tlaih nawh dawngah Bawipa kah ruep-awmna te aka tueng sak thlaang poen ni; te ruep-awmna tah Muithla la aka awm Bawipa teng kalawng law tih mami he amah oen aka lo u ruep-awm tare la n'sai.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

Philipi 3:21

Amah lawngtah mami kah tha aka awm nawh, aka duek thai pum he avan thaw vetih amah kah ruep-awm pum angla avan sai ai, te tila a sai vengah te thaihu soeprep boeih amah ukna huiah aka pha sak huham tharana te a hawna ai.

Kolosa 3:4

Nangmi kah hingna tangtang tah Khrih ni, amah a law veng atah nangmi khaw amah oen haih na phumpho u vetih amah kah ruep-awmna te na dang u van ai.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

2Peter 1:4

Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.

1Johan 2:28

Ka ca thli, amah oen pumkhatla awm uh, metihtiah amah a tueng vengah mami tah raltheenna oen m'be u vetih amah a lawna Khawhin ah ayahtoela a teng kalawng thuh-elh u ham ngoe tlaih manawh.

1Johan 2:7

Ka lungna ka paya thli, nangmi tengah kavan thut awlpeek he athaai nawh ni; acuekca kalawng nangmi lawng na khueh tangte awlpeek ruem te ni. Te awlpeek ruem te tah na yaak tangte awl te ni.

1Johan 3:1

Pathen lawng ningmi n'lungna tangkiik he poek u lah! A lungna tah bo tangkiik tih mami he Pathen amah kah Ca-anau ti poen, te tila te awm tangtang. He kawng ah ni dilai lawng mami he m'ming u nawh: Pathen khaw ming u nawh.

1Johan 3:10

Pathen kah ca-anau thli oen Seitan kah ca-anau thli a lawhna hih nawh noekna tah he tila ni: a-u khaw asoeng thaihu aka sai nawh boeih, thlaangtloe te aka lungna nawh boeih tah Pathen kah ca-anau thli nawh ni.

1Johan 3:21

Tedawngah ka lungna ka paya thli, mami he m'mah kah athetheen mingna thinkaw lawng n'salphaam nawh kawinih mami tah Pathen haiah raltheenna n'khueh u.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

Olphong 22:4

Ahimi lawngah Pathen mik-hai te a huh u vetih ahih kah miing te a tal ah a thut ai.