1Johan 3:16 - Matu Chin New Testament 2006

¹⁶ Lungna he me ang nuem tila m'mingna tah he tila ni: Khrih lawng mami hamla a hingna te a peek. Tedawngah mami lawngkhaw maya manau thli hamla hingna he peek van hamla awm!

Matu Bible

¹⁶ Amah loh mamih ham a hinglu te a voeih dongah, te nen te, lungnah m'ming uh. Mamih khaw manuca rhoek yueng la hinglu voeih ham a kuek.

1Johan 3:16 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Johan 10:11

Kai tah tuudoen theen ni. Tuudoen theen lawngtah tuu hamla a hingna te a peek.

Johan 13:34

Tahe ah awlpeek thaai kan peek u: pakhat oen khat te lung u lah. Kai lawng nangmi kan lungna u van angla nangmi khat oen khat na lung u ham awm.

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Rom 16:4

Ahih rawi lawng kai hamla duek ngam hih. Ahih rawi te ka uem tangkiik, kai bueng nawh tih Gental Khrihcabu boeih lawngkhaw a uem u.

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

2Korin 4:12

He kah thuingaihna tah kaimi pum dawngah he duekna lawng bii a bi de, nangmi pum dawng atah hingna lawng bii a bi.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 5:25

Vaa-aca thli, Khrih lawngah khrih-cabu te a lungna tih a hingna te a peek angla yuu-aca thli te lungna uh.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Philipi 2:30

metihtiah nangmi lawng nan peek thai nawh bawmcemna te ahih lawng peek hamla, Khrih kah bii dawngah duek khaw maa ohla duek dalh toela bii a bi.

1Thessalonika 2:8

Kaimi lawngah nangmi te kan lungduetna dawngah Pathen tengkah Awlthang Theen bueng ohla kamami kah hingna pateng khaw peek hamla te oepsoehla ka awm u. Nangmi te kan lungduetna tangkiik u mai!

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

1Peter 1:18

Nangmi lawng na patuer hue tengkah na pang patoeng hoeikhangna aka awm nawh hingna kalawng aphu a peek tih n'loeih sak te nangmi lawng na ming u. Te tah sui, ngun angla mui-angen thai koei thaihu nawh ni.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 2:6

a-u lawngkhaw Pathen oen pumkhatla ka awm a ti atah Jesuh Khrih angla awm van ham awm.

1Johan 2:9

A-u khaw aangna khuiah ka awm ti tih, a maya manau te a thina atah tahe toe ah yiinna khuiah awm hun.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.