1Johan 3:14 - Matu Chin New Testament 2006

¹⁴ Mami tah duekna n'ceh taak u poen tih hingna khuila n'kuun poen tite m'ming u; te tila m'mingna tah mami lawng maya manau n'lungna dawngah ni. A-u khaw lungna aka khueh nawh tah duekna khuiah ni a awm hun.

Matu Bible

¹⁴ Mamih loh Manuca te n'lungnah uh dongah dueknah lamloh hingnah khuila n'thoeih uh te m'ming uh. Aka lungnah pawt tah dueknah dongah ni a naeh pueng.

1Johan 3:14 Iomraidhean Croise

Mathai 25:40

Sengpahrang lawng, ‘Atak tang kavan thui u; He kah ka boenhui huhsit koek pakhat tengah na sai u te ka sawah na sai u poen ni,’ a tina ai.

Luka 15:24

Metihtiah ka capa he duek poen de tahe ah hing koep; ahih tah vi vik poen de tahe ah phumpho koep.’ a tina. Tecoeng atah poei te a sai u.

Luka 15:32

Tede na nau he tah duek poen de tahe ah hing koep; ahih tah vi poen de tahe ah phumpho koep, tedawngah ka awmngaih tih poei ka sai u,’ tila a thui pe.” a tina.

Luka 7:5

Ahih lawngah mami phun he a lungna tih kaimi ham sinakok pakhat avan sak.” a tina u.

Johan 13:35

Nangmi khat oen khat na lung u atah thlaang boeih lawng nangmi he kai kah hubang hue ni tila a ming u ai.” a tina.

Johan 15:12

Ka awlpeek tah he ni: kai lawng nangmi kan lungna van angla nangmi khat oen khat lung u van.

Johan 15:17

Tecoengah he tah kai kah awl peek ni: pakhat oen pakhat lung u lah.” a tina.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 1:15

Nangmi lawng Bawipa Jesuh na oengna, Pathen kah thlaang boeih na lungna u kawng te ka yaak cuek veng kalawng,

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Ephesa 2:5

Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Kolosa 1:4

Metihtiah Khrih Jesuh ah nangmi kah oengna Pathen kah thlaang boeih na lungna u te ka yaak u dawngah ni.

1Thessalonika 4:9

Nangmi lawng aka oeng na paya laikoei thli lungna ham a kawng te capat kavan thut ham ngoe nawh. Nangmi khat oen khat lung u ham Pathen lawng namami te n'cang puei u poen.

Hebrew 13:1

Khrihca maya manau la na awm u van angla pakhat oen khat lung u poe lah.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

1Johan 2:3

Mami lawng Pathen kah awlpeek te n'vai atah amah te m'ming u tite aciimla m'ming.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:12

Pathen te a-u lawngkhaw hu noek nawh, tede pakhat oen khat n'lung u atah Pathen tah mami oen pumkhatla awm tih a lungna tah mami dawngah soep.

1Johan 5:13

Pathen Capa aka tangna nangmi lawng dungyan hingna na khueh u te na mingna u ham he kah ca he nangmi tengah kavan thut.

1Johan 5:2

Mami lawng Pathen kah ca-anau thli n'lungna tite mingna tah he tila ni; mami lawng Pathen amah te n'lungna tih a awlpeek n'vai he ni.