1Johan 3:12 - Matu Chin New Testament 2006

¹² Mami he Kain angla awm ham nawh ni; ahih tah Raaibawi kah thlaang la awm tih a manau kheet Abel te a ngawn. N'tu ah Abel te Kain lawng a ngawn? Metihtiah ahih lawng thaihu te athawlhla a sai, tede a manau lawngtah thaihu te adoengla a sai dawngah ni.

Matu Bible

¹² Rhaithae kah hlang la om tih Rhaithae kah om tih a manuca aka ngawn Kain bang boel saeh. Te vaengah balae tih anih te a ngawn? A khoboe tah rhaithae la om pai. Tedae a manuca kah khoboe tah dueng ta.

1Johan 3:12 Iomraidhean Croise

Mathai 13:19

A-u khaw Vaan ram kawng awlthang a yaak de aka yaakming nawh te tah lawngpui ah aka tla caangti oen lo u. Ahimi thinkaw ah a heh u caangti te Seitan lawng law tih a rot pe.

Mathai 13:38

Lo tah he dilai ni; caangti theen tah Vaan ram aka paang thlaang hue ni; varaamcaang tah Seitan kah thlaang hue ni;

Mathai 23:35

Tedawngah, thawlhna aka khueh nawh hue na ngawn u dawngah dantatna nangmi tengah avan pha ai. Thlaangdoeng Abel kalawng Tempal bok-im oen bokna-thaang laklaw ah na ngawn u Berikhiah capa Zekhariah toe te na ngawn u dawngah thisen phu dantatna nangmi tengah avan pha ai.

Mathai 27:23

Tede Pilat lawng, “N'tu thawlhna a sai?” tila a doet koep u. Tevengah te thli lawng, “Thinglam dawngah ngawn!” tila angaihhlangla paang u.

Mathai 5:37

Soeng, soeng nawh ti bueng mah te thui uh, te voel tah Seitan tengkah awl poen ni.

Johan 10:32

Jesuh lawng ahimi nala te, “Kai lawng sai hamla a Pa kah peek thaihu theen te nangmi hai ah moen ka sai poen; he thaihu thli khuiah me ang kawng dawngah kai he lunghawh oen de hamla na ngaih u?” a tina.

Johan 8:40

Nangmi tengah he Pathen tengkah ka yaak te ni kavan thui, tede nangmi lawngtah kai he ngawn ham nan teeng u. Abraham lawngtah he tila a sai moenih!

Johan 8:41

Nangmi lawngtah na pa kah kah a sai te ni na sai u van” a tina. Ahimi lawngah, “Kaimi lawng a Pa pakhat bueng Pathen amah te ni ka khueh u; kaimi he ahih kah aca anau thli taktak ni.” a tina u.

Caeltueih 7:52

Na patuer hue lawngah aheem atek nawh tawngha khat khaw awm aw? Amah kah thlaangdoeng Tuih-yoeih thlaang a lawna kawng, yan veng kalawng aka thui Pathen kah laipai thli te ahimi lawng a ngawn u. Tahe ah khaw nangmi lawng paipi na thleep u tih ahih te na ngawn u poen.

1Thessalonika 2:14

Maya manau thli, Judia ram kah Pathen khrihcabu boeih oen Khrih Jesuh kah thlaang thli lawng a tawng u te ang van te, Judah thlaangphun lawng ahimi te a heem a tek van angla nangmi khaw namami ram khui thlaang thli kah heemtekna patang te na khang u.

Hebrew 11:4

Abel lawngah Kain lak ah atheen ngaai Pathen teng thaw a thueng he oengna oen ni. Oengna rang oen ahih te Pathen lawng thlaangdoeng la a pawm, metihtiah Pathen lawng ahih kah kutdo te a do pe dawngah ni. Abel tah duek coeng poen de a oengna lawng tahetoe awl a thui.

Hebrew 12:24

Abel thisen kah sai lak ah thaihu theen ngaai te a thisen dueina oen aka sai, awlkam thaai roekbahkung Jesuh tengla nangmi tah na law u.

1Peter 4:4

Tahe atah nangmi lawng Pathen aka ming nawh thlaang thli kah khawpaw rang-au la a hingna dawngah te na thuum pe u tlaih nawh dawngah a kawpoek rai u tih tedawngah nangmi te n'thui theet u.

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

Jude 1:11

Ahimi ham khawmap tangkiik! Kain kah lawngpui te ahimi lawng a vai u poen. Tangka ngaih dawngah Balaam kah thawlh saina te ang van ah te amami oen amami phuum u. Korah kah ceem raal thawh angla tho u tih ahih angla phe u boeih poen.

Olphong 17:6

Te hutaa lawng Pathen thlaang thli kah thisen oen Jesuh ah thincakla a awm dawngah ngawn la aka awm hue kah thisen a ruui u te ka huh. Te hutaa te ka huh vengah kawpoek la rai tangkiik.