1Johan 3:10 - Matu Chin New Testament 2006

¹⁰ Pathen kah ca-anau thli oen Seitan kah ca-anau thli a lawhna hih nawh noekna tah he tila ni: a-u khaw asoeng thaihu aka sai nawh boeih, thlaangtloe te aka lungna nawh boeih tah Pathen kah ca-anau thli nawh ni.

Matu Bible

¹⁰ Hekah nen he Pathen kah a ca la aka om neh rhaithae kah a ca rhoek tah aka om mingpha coeng. Duengnah aka saii pawt boeih tah Pathen kah a hut la om pawh. Te long te a manuca a lungnah moenih.

1Johan 3:10 Iomraidhean Croise

Mathai 13:38

Lo tah he dilai ni; caangti theen tah Vaan ram aka paang thlaang hue ni; varaamcaang tah Seitan kah thlaang hue ni;

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Johan 1:12

Tecakhaw khatsut lawngtah ahih te a tangna u tih a do u; tedawngah ahimi te Pathen kah ca-anau la coenggna te a dang u.

Johan 11:52

ahimi ham bueng nawh tih khawyat ah aka darh khonghak Pathen thlaang boeih pumkhat la cawi tunna hamla khaw a thui haih ni.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Johan 8:47

Pathen tengkah aka law thlaang lawngtah Pathen awl te a hutung u. Tede nangmi tah Pathen teng kalawng na law u van nawh dawngah ni hutung ham na ngaih u nawh.” a tina.

Caeltueih 13:10

“Nang, Raaibawi capa! Nang tah doengna boeih boeih kah thunkha la na awm. Nang he thailatna soeprep oen na betoet tih Bawipa kah awltak he hoem awl la thawvel ham na yawm poepa!

Rom 13:8

A-u tengah khaw laiba khueh u boel, nang lawng laiba na khueh tah khat oen khat lung u ham he ni. A-u khaw a thlaangpuei te a lungna atah Phungawl te a vai poen.

Ephesa 5:1

Nangmi tah Pathen lawng a lungna a ca anau la na awm u dawngah amah oen lawh u van ham yawm u lah.

Kolosa 3:14

Tecoengah he thaihu boeih sawah lungna oen thap uh, metihtiah lungna lawngtah thaihu boeih he asoepcala pakhatla kang a tingtun tih a roep u sak.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:1

Pathen lawng ningmi n'lungna tangkiik he poek u lah! A lungna tah bo tangkiik tih mami he Pathen amah kah Ca-anau ti poen, te tila te awm tangtang. He kawng ah ni dilai lawng mami he m'ming u nawh: Pathen khaw ming u nawh.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.

1Johan 4:21

Khrih lawng mami tengah m'peek a awlpeek tah “A-u khaw Pathen te a lungna atah a maya manau te lungna seh” a ti te ni.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

1Johan 4:8

A-u khaw lungna aka khueh nawhtah Pathen te ming nawh, metihtiah Pathen tah lungna ni.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

1Johan 5:2

Mami lawng Pathen kah ca-anau thli n'lungna tite mingna tah he tila ni; mami lawng Pathen amah te n'lungna tih a awlpeek n'vai he ni.

3Johan 1:11

Ka lungna ka puei, athe thaihu te oett boel lang atheen thaihu te oett lah. A-u khaw thaihu theen aka sai tah Pathen thlaang la awm; A-u khaw thaihu the aka sai tah Pathen te hu nawh.