1Johan 2:7 - Matu Chin New Testament 2006

⁷ Ka lungna ka paya thli, nangmi tengah kavan thut awlpeek he athaai nawh ni; acuekca kalawng nangmi lawng na khueh tangte awlpeek ruem te ni. Te awlpeek ruem te tah na yaak tangte awl te ni.

Matu Bible

⁷ Thintlo rhoek, nangmih taengah olpaek a thai la kan daek moenih. Tedae a tongcuek lamkah na dang uh olpaek rhuem te ni. Tekah olpaek rhuem tah na yaak uh tangtae olka ni.

1Johan 2:7 Iomraidhean Croise

Mathai 5:43

“Na paya thli lungna uh, na raal thli thina uh! a ti awl te na yaak u poen.

Johan 13:34

Tahe ah awlpeek thaai kan peek u: pakhat oen khat te lung u lah. Kai lawng nangmi kan lungna u van angla nangmi khat oen khat na lung u ham awm.

Caeltueih 17:19

Tedawngah ahimi lawng Pawl te Areopakas a ti u awlcekna khonsil ah a ceh puei u tih, “Nang lawng akawng alam na thui cangpueina a thaai te ming hamla ka ngaih u.

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

1Johan 2:24

Tedawngah nangmi lawng acuekca kalawng na yaak u awl te na kaw khuiah khueh uh. Te awl te na khueh u atah Capa oen Pa oen ah pumkhatla nangmi poe na awm u ai.

1Johan 3:11

Acuekca veng kalawng na yaak u awl te tah he ni: mami pakhat oen khat lung u sih ti he ni.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.

1Johan 3:21

Tedawngah ka lungna ka paya thli, mami he m'mah kah athetheen mingna thinkaw lawng n'salphaam nawh kawinih mami tah Pathen haiah raltheenna n'khueh u.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

1Johan 4:11

Ka lungna ka paya thli, he tih aih la mami he Pathen lawng n'lungna atah mami khaw pakhat oen khat lung u van ham awm.

1Johan 4:21

Khrih lawng mami tengah m'peek a awlpeek tah “A-u khaw Pathen te a lungna atah a maya manau te lungna seh” a ti te ni.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.