1Johan 2:6 - Matu Chin New Testament 2006

⁶ a-u lawngkhaw Pathen oen pumkhatla ka awm a ti atah Jesuh Khrih angla awm van ham awm.

Matu Bible

⁶ Amah ah naeh ham a kuek aka ti tah amah a pongpa bangla anih long khaw pongpa van saeh.

1Johan 2:6 Iomraidhean Croise

Mathai 11:29

Kai kah hawphueih he lo lang phuei u lah, kai tah kawdaw oen boe-ngaaina thinkaw ka khueh dawngah kai tengah cang u lah; ngaimawngna kan pe ai.

Johan 13:15

Kai lawng ka sai van angla nangmi lawngkhaw na sai u van ham, na oett ham koei te kavan sai poen.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

1Korin 11:1

Tedawngah kai lawng Khrih kah khawboe ramlang te ka oett van angla nangmi lawngkhaw kai kah khawboe ramlang he oett u van lah.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

1Peter 2:21

He tila awm ham ah Pathen lawng nangmi te n'khue u, metihtiah Khrih amah roe lawngah nangmi ham patang a khang tih amah khowleh thuih ham te nangmi kah oett koeila avan ceh taak.

1Johan 2:28

Ka ca thli, amah oen pumkhatla awm uh, metihtiah amah a tueng vengah mami tah raltheenna oen m'be u vetih amah a lawna Khawhin ah ayahtoela a teng kalawng thuh-elh u ham ngoe tlaih manawh.

1Johan 2:4

Thlaang pakhat khat lawng ahih te ka ming ti de, a awlpeek te a vai nawh atah te ang thlaang tah hoem aka thui tih ahih dawngah awltak awm nawh.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.

1Johan 3:6

Tedawngah Khrih oen pumkhatla aka awm thlaang boeih lawngtah thawlhna sai taitu nawh; tede a-u khaw thawlhna aka sai poepa lawngtah ahih te hu nawh tih aka ming nawh ni.

1Johan 4:17

Awlcekna Khawhin ah mami lawng raltheenna khueh thaina hamla lungna tah mami dawngah avan soep sak poen; he dilai ah mami hingna tah Jesuh kah hingna oen avai u dawngah te raltheenna te ng'khueh ai.