1Johan 2:4 - Matu Chin New Testament 2006

⁴ Thlaang pakhat khat lawng ahih te ka ming ti de, a awlpeek te a vai nawh atah te ang thlaang tah hoem aka thui tih ahih dawngah awltak awm nawh.

Matu Bible

⁴ Amah te ka ming tila aka thui loh boeipa kah olpaek te khaw a kuem pawt atah laithae la om tih, a khuiah oltak om pawh.

1Johan 2:4 Iomraidhean Croise

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Titus 1:10

Metihtiah, awlpuila Judah bokna kalawng Khrihca la aka kuun thli tim ah awlhong awlhii oen thlaangtloe te a oelh ataih tih thlaang aka thailatna yahawh ngaai awm.

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

1Johan 1:10

Mami lawng ka thawlh nawh n'ti u atah Pathen te hoem thui la n'sai u tih amah awl te khaw mami khuiah awm nawh.

1Johan 1:6

Tecoengah mami lawng ahih oen pawlneengna ka khueh n'ti u tih yiinna khuiah ng'awm u atah mami tah awlkaa oen khawseh, saina oen khawseh, hoem awl ni n'thui u.

1Johan 1:8

Mami lawng thawlhna ka khueh nawh n'ti u atah m'mah oen mah he, thailatna u tih mami khuiah awltak awm nawh.

1Johan 2:3

Mami lawng Pathen kah awlpeek te n'vai atah amah te m'ming u tite aciimla m'ming.

1Johan 2:9

A-u khaw aangna khuiah ka awm ti tih, a maya manau te a thina atah tahe toe ah yiinna khuiah awm hun.

1Johan 3:6

Tedawngah Khrih oen pumkhatla aka awm thlaang boeih lawngtah thawlhna sai taitu nawh; tede a-u khaw thawlhna aka sai poepa lawngtah ahih te hu nawh tih aka ming nawh ni.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.