1Johan 2:3 - Matu Chin New Testament 2006

³ Mami lawng Pathen kah awlpeek te n'vai atah amah te m'ming u tite aciimla m'ming.

Matu Bible

³ Amah kah olpaek te n'kuem uh atah amah te m'ming uh coeng tila hekah nen khaw m'ming uh.

1Johan 2:3 Iomraidhean Croise

Luka 6:46

“Kai lawng kavan thui te tah na sai u nawh maiah, n'tu ah nangmi lawng, ‘Bawipa, Bawipa’ nan tina u?

Johan 14:15

“Kai he nan lungna u atah, ka awlpeek he na vai ham awm.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Johan 15:14

Nangmi lawng ka awlpeek he na sai u atah ka paya la na awm u.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

1Johan 2:13

Papa thli aw, acuekca kalawng aka awm ahih te na ming u dawngah nangmi tengah he ca he kavan thut. Cadawng caloe thli nangmi lawng Raaibawi te na taa u poen dawngah nangmi tengah he ca he kavan thut.

1Johan 3:14

Mami tah duekna n'ceh taak u poen tih hingna khuila n'kuun poen tite m'ming u; te tila m'mingna tah mami lawng maya manau n'lungna dawngah ni. A-u khaw lungna aka khueh nawh tah duekna khuiah ni a awm hun.

1Johan 3:19

Tedawngah mami lawng awltak dawngah ka awm tite he tila m'ming u ai. Pathen haiah khaw ngaitluepla n'awm u ai.

1Johan 3:6

Tedawngah Khrih oen pumkhatla aka awm thlaang boeih lawngtah thawlhna sai taitu nawh; tede a-u khaw thawlhna aka sai poepa lawngtah ahih te hu nawh tih aka ming nawh ni.

1Johan 4:13

A Muithla te mami m'peek poen dawngah mami tah Pathen oen pumkhatla ng'awm u tih amah khaw mami oen pumkhatla awm tite aciimphanla m'ming u.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

1Johan 5:2

Mami lawng Pathen kah ca-anau thli n'lungna tite mingna tah he tila ni; mami lawng Pathen amah te n'lungna tih a awlpeek n'vai he ni.

1Johan 5:3

Metihtiah mami lawng Pathen n'lungna tila thuingaihna tah a awlpeek thli n'vai he ni. Ahih kah awlpeek te tah mami ham rai aih mai nawh,

Olphong 12:17

Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Olphong 14:12

Pathen kah awlpeek aka vai thli oen Jesuh tengah uep-awm la aka awm Pathen thlaang thli lawngah tahe vengah ueh thaina khueh angoe.

Olphong 22:14

Amami kah himbai te aciimla aka suk tah yotheen a dawng u, ahimi tah hingna thingthaih te a caak thai vetih khawpui thawhka khuiah kuun thai u ai.