1Johan 2:22 - Matu Chin New Testament 2006

²² Tetih atah a-u nuem hoem-thuikung? Jesuh tah Messiah nawh ni tila aka thui te hoemthuikung la awm. Te ang thlaang te tah Khrih kah raal ni, Pa oen Capa te aka hoett thlaang ni.

Matu Bible

²² Jesuh tah Khrih ni tite aka hnawt mueh atah u nim laithae te unim aka om? Te tah Khrihrhal ni te. Te long te Pa neh Capa a hnawt.

1Johan 2:22 Iomraidhean Croise

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 24:5

Thlaang yahawh lawng ka miing oen law u vetih ‘Kai he Messiah ni,’ ti ai, thlaangping yahawh hlang te a thai alatna ai.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

1Johan 1:6

Tecoengah mami lawng ahih oen pawlneengna ka khueh n'ti u tih yiinna khuiah ng'awm u atah mami tah awlkaa oen khawseh, saina oen khawseh, hoem awl ni n'thui u.

1Johan 2:18

Ka ca ka nau thli atue boetna yoeii poen! Khrih kah raal law ai tila na yaak u; tahe ah Khrih kah raal thli yahawh hlang thoeng poen, tedawngah atue boetna yoeii poen tila mami lawng m'ming u.

1Johan 2:23

A-u khaw Capa aka hoett tah Pa te khaw a hoett: A-u khaw Capa te aka do tah Pa te khaw a do.

1Johan 2:4

Thlaang pakhat khat lawng ahih te ka ming ti de, a awlpeek te a vai nawh atah te ang thlaang tah hoem aka thui tih ahih dawngah awltak awm nawh.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.

1Johan 4:3

Tede, a-u khaw Jesuh kawngah te tila aka pawm nawh tah Pathen tengkah Muithla te khueh nawh. Ahih kah khueh muithla te tah Khrih raal tengkah ni; nangmi lawng te ang te va law ai tila na yaak u poen tih tahe dilai dawngah awm poen.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.

2Johan 1:7

Jesuh Khrih tah thlaanghing pumsa la law tila aka tangna nawh thlaang, thlaangthaipalat thli dilai pum ah cet khonghak poen. Te ang thlaang te tah thlaangthaipalat oen Khrih kah raal ni.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.