1Johan 2:20 - Matu Chin New Testament 2006

²⁰ Tecakhaw nangmi tah Khrih lawngah Ciim Muithla te na sawah avan toi u poen, tedawngah nangmi boeih lawng awltak te na ming u.

Matu Bible

²⁰ Nangmih khaw Hlang Cim taengah koelhnah te dang uh dongah a cungkuem la na ming uh.

1Johan 2:20 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Marku 1:24

“Nazaret Jesuh, kaimi he metila sai ham na ngaih? Kaimi he phe ham aw na law? Nang he me ang thlaang ti he kan ming: Nang tah Pathen kah laipai thlaang ciim ni” a tina.

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Luka 4:34

“Aah! Nazaret Jesuh, kaimi he metila kan tina ai na ti? Kaimi he phe ham aw na law? Nang he a-u tite kan ming: nang tah Pathen kah aciim laipai ni!” a tina.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 3:14

Ahih tah thlaangciim, thlaangdoeng la awm de, ahih te nangmi lawng na hoett u tih thlaang aka ngawn dai te thlah sak ham Pilat tengah na bih u.

1Korin 2:15

Muithla aka khueh thlaang lawng atah soeprep boeih kah aphu te apek abo thai, tede ahih te tah a-u khat lawngkhaw pekbo thai nawh.

Hebrew 1:9

Nang lawngtah adoeng te na ngaih tih aka soeng nawh te na thina. Tedawngah nang kah Pathen la aka awm Pathen lawng nang te n'tuek tih na paya laikoei thli a peek lak ah hinyahna oen awmngaihna te nang m'peek tila a thui.

Hebrew 8:11

A-u lawngkhaw a pilnam tengah khawseh, ram khuikah thlaang tengah khawseh, “Bawipa te ming uh’ tila cang puei nawh vetih thui pe tlaih manawh. Metihtiah camaw oen patawng ahimi boeih lawng kai he m'ming u poen ai.

1Johan 2:27

Tede nangmi ham tah Khrih lawngah a Muithla te nangmi sawah avan toi poen. Nangmi kaw khuiah a Muithla te a awm atah, nangmi cang puei ham a-u khat khaw na ngoe u tlaih nawh. Metihtiah amah Muithla lawngah soeprep boeih kawng te nangmi n'cang puei u tih te cangpueina tah soeng taktak, aka thawlh nawh ni.

1Johan 4:13

A Muithla te mami m'peek poen dawngah mami tah Pathen oen pumkhatla ng'awm u tih amah khaw mami oen pumkhatla awm tite aciimphanla m'ming u.

Jude 1:5

He ang thli boeih he na ming u poen de, Bawipa lawng Israel thlaang thli he metila Iyipt ram kalawng vai khat tah a loeih sak tih, tede hukhueng atah aka tangna nawh thlaang thli a duek sak boeih te ming sak koep ham ka ngaih.

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.

Olphong 4:8

Ramsa hing palii boeih lawngah phe paruk rip a khueh u tih akhui oen adau ah mik hooeng la betoet. Ahimi lawngah yiin oen daai toeng tlaih ohla: “Aciim, aciim, aciim tah Bawilen koek Bawipa Pathen ni, Ahih tah aka awm poen, aka awm lii oen aka awm poe ham koei ni,” tila laa a sak u.