1Johan 2:16 - Matu Chin New Testament 2006

¹⁶ Dilai thaihu soeprep, pumsa ngaihna, thlaang lawng a huh tih a ngaih thaihu, he dilai dawngkah thaihu soeprep thlaang lawng a phoekthloerna khatca mai khaw Pa teng kah aka law thaihu nawh ni.

Matu Bible

¹⁶ Diklai dongkah a cungkuem tah, pumsa kah hoehhamnah, mik kah hoehhamnah, khosaknah dongkah oekhlawnnah he pa kah koe la om pawt tih diklai kah la om.

1Johan 2:16 Iomraidhean Croise

Mathai 4:8

Tecoengah Seitan lawng Jesuh te a sanghlang tlaangsawm pakhat la a luui puei tih, dilai dawngkah ram boeih oen te ram kah a bawilenna boeih te a huh sak.

Mathai 5:28

Tede kai lawng tahe kavan thui u, A-u khaw hutaa te samphaih ngaihna mik oen a dan atah a thinkaw oen hutaa te a samphaih puei poen.

Luka 4:5

Tecoengah Raaibawi lawng a ceh puei tih apabe atah dilai dawngkah ram boeih te a huh sak.

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

1Korin 10:6

Te ang thli boeih te tahe ah mingna miknoek la awm. Ahimi lawng thaihu the te a ngaih u angla mami lawngtah ngaih nawh ham;

Galati 5:17

Metihtiah, mami thlaanghing pumsa ngaihna tah Muithla kah ngaihna lawng a oel tih Muithla kah ngaihna te khaw mami kah thlaanghing pumsa ngaihna lawng a oel van. He rawi pahih he tah raal hih tih thui ngaihna tah sai ham na ngaih te na sai thai nawh tina ni.

Galati 5:24

Tecoengah Khrih Jesuh kah thlaang la aka awm lawngtah amami kah thlaanghing coenggna dawngkah athe ngaihsoehna oen pumsa hue-ngaihna boeih te thinglam dawngah a ngawn poen.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

James 3:15

Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

James 4:16

Tede tahe ah nangmi lawngtah na hal-auh u tih na oekk na thloen u; he ang oekthloenna boeih te tah aka soeng nawh ni.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

2Peter 2:10

awlpui la tah amami kah tuiilehkap pumsa cuk-halhna oen Pathen kah aana n'tu la aka sak nawh hue te ni. He kah asoeng nawh cangpueikung thli he a thin cak u tih halang u, sawben vaan ah aka awm ruep-awm te khaw hinyah u nawh, ahimi lawng te thli te asal aphaam dai.

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.