1Johan 2:15 - Matu Chin New Testament 2006

¹⁵ Dilai oen dilai thaihu he khat khaw thintlawhna u boel. Dilai he na thintlawhna u atah Pa te na thintlawhna u nawh.

Matu Bible

¹⁵ Diklai te neh diklai dongkah te lungnah boeh boeh. Khat khat loh diklai te a lungnah atah a khuiah pa kah lungnah om pawh.

1Johan 2:15 Iomraidhean Croise

Mathai 4:8

Tecoengah Seitan lawng Jesuh te a sanghlang tlaangsawm pakhat la a luui puei tih, dilai dawngkah ram boeih oen te ram kah a bawilenna boeih te a huh sak.

Mathai 6:24

“A-u lawngkhaw bawi pahih kah bii te bi thai manawh. Pakhat te a thina vetih pakhat te a lungna ai. Pakhat te a hinyah vetih pakhat te a huhsit ai. Pathen oen tangka kah bii te pahih bokla na bi thai manawh.

Luka 16:13

“Me ang tuihyoeihthlaang lawngkhaw bawi manghai pahih kah sal la awm thai manawh, ahih lawng pakhat te a thina vetih a khat te a lungna ai; pakhat teng atah a ciil cak vetih a khat te tah a hel acal ai. Nangmi lawng Pathen oen tangka kah bii te pahih bok la na bi renten thai manawh” a tina.

Johan 15:19

Nangmi lawngah dilai koeva la na awm u kawinih dilai lawng amah koeva angla te n'lungna u van ai. Tede nangmi he dilai dawng kalawng kan tuek u poen tih dilai koeva la na awm u tlaih nawh dawngah dilai lawng nangmi n'thina.

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

Galati 1:10

He tila ka thui he thlaanghing kawkhuekna dang ham aka yawm angla ka awm aw? Te tila dang ham ka yawm nawh! Pathen kah kawkhuekna te ni ka ngaih. Thlaanghing teng kah mik-hai theen te dang ham ka yawm aw? kai lawng te tila dang ham ka yawm khiing atah kai he Khrih kah tuihyoeihthlaang la ka awm manawh.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

1Timothy 6:10

Metihtiah tangka ngaih soeh aih he tah athe phun soeprep a thoengna kungpui ni. Thlaang khatsut tah tangka khueh moek a ngaih dawngah oengna te a ceh taak u tih kawthena acungkuem oen a thinkaw lungbui a rek sak u.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Johan 3:17

Thlaanglen kuirang lawng a maya manau kah a voetna te a huh vengah a thinkaw a khaih khoep atah metila Pathen ka lungna a ti thai ai?

1Johan 4:5

Te kah tawngha rawlrap thli lawngtah dilai thaihu thli kawng he a thui u tih dilai koeva la a awm u dawngah dilai lawng a awl te a hutung.

1Johan 5:10

A-u khaw Pathen Capa aka tangna boeih lawngtah he sausi he lungbui khuiah a khueh; tede a-u khaw Pathen te aka tangna nawh lawngtah Pathen lawng a Capa kawng a thui te a tangna nawh dawngah Pathen te hoemthuikung la a coengg sak.