1Johan 2:14 - Matu Chin New Testament 2006

¹⁴ Ka ca ka nau thli nangmi lawng Pa te na ming u poen dawngah nangmi tengah he ca he kavan thut. Papa thli, acuekca kalawng aka awm ahih te na ming u dawngah nangmi tengah he ca he kavan pat. Cadawng caloe thli nangmi tah na tha a ra u dawngah nangmi tengah he ca he kavan pat. Pathen awl te nangmi khuiah awm tih Raaibawi te na taa poen.

Matu Bible

¹⁴ Camoe rhoek nangmih ham ka daek he, pa te na ming uh dongah ni. Pa rhoek nangmih ham kan daek he a tongcuek lamkah te na ming uh dongah ni. Cadong rhoek nangmih ham kan daek thaom la he na om uh phoeiah Pathen kah Olka loh nangmih khuiah rhaehrhong tih a thae te na noeng uh dongah ni.

1Johan 2:14 Iomraidhean Croise

Johan 15:7

Kai dawngah na awm u tih nangmi khuiah ka awl he a awm atah nangmi lawng na bih thaihu te na dang u ai.

Johan 5:38

nangmi lawng ahih awl te na thinkaw lungbui ah na khoem u thai nawh, metihtiah amah lawng avan tuih thlaang te nangmi lawng na tangna u nawh dawngah ni.

Johan 8:31

Tedawngah Jesuh lawng amah aka tangna thlaang thli tengah, “Kai lawng kan cang puei u he nangmi lawng na tangna u atah nangmi tah kai kah hubang tangtang la na awm u;

Johan 8:37

Nangmi he Abraham cadil tite ka ming ngoen ta. Kai lawng kan cang puei he nangmi lawng na do u nawh dawngah kai he ngawn ham nangmi lawng na yawm u.

Ephesa 6:10

Aboetna ah amah kah tha-awm tharana rang oen ah Bawipa oen pumkhatla awmna dawngah na tharana te cak sak uh.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 1:11

Soeprep boeih te thinsan kawdaw oen na ueh thaina ham Pathen ruep-awmna huham dawng kalawng aka law tharana boeih oen n'cak sak u seh.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

2Timothy 2:1

Ka capa nang tah Khrih Jesuh oen pumkhat la awmna rang oen n'dang u lungvatna dawngah acakla awm lah.

Hebrew 8:10

Tecoengah Bawipa lawng, “Aka law ham koei khawhin ah Israel thlaangphun oen he tila paipi te ka sai ai; Kai lawngah kamah kah phungawl thli te a thinkaw ah Ka khueh pe vetih a lungbui ah ka thut pe ai. Kai tah ahimi kah Pathen la ka awm vetih ahimi tah ka thlaangphun la awm ai.

1Johan 1:1

Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.

1Johan 1:10

Mami lawng ka thawlh nawh n'ti u atah Pathen te hoem thui la n'sai u tih amah awl te khaw mami khuiah awm nawh.

1Johan 2:13

Papa thli aw, acuekca kalawng aka awm ahih te na ming u dawngah nangmi tengah he ca he kavan thut. Cadawng caloe thli nangmi lawng Raaibawi te na taa u poen dawngah nangmi tengah he ca he kavan thut.

2Johan 1:2

Metihtiah awltak tah mami khuiah awm tih mami tengah ayoeyah awm ai.

3Johan 1:3

Nang tah awltak ben ah ueppangla na awm tih awltak dawngah na awm yoeyah tila khatsut Khrihca maya manau thli a law u vengah avan thui u tih ka awmngaih tangkiik.

Olphong 2:3

Nang tah na kaw daw, kai kawngah nang lawng patang na khang te na kaw boet nawh.

Olphong 2:7

“Tedawngah yaakna haa aka khueh lawngtah Muithla lawng Khrihcabu hue tengah a thui he ya hawn seh! “Taakung la aka awm thli tah Pathen dum khuikah hingna thingthaih te caak thaina nawl ka peek ai” ti.