1Johan 2:1 - Matu Chin New Testament 2006

¹ Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

Matu Bible

¹ Ka oingaih rhoek, na tholh uh pawt ham ni nangmih taengah hekah he kan daek. Khat khat long khaw a tholh atah pa taengah baerhoep la hlang dueng Jesuh Khrih te n'khueh uh.

1Johan 2:1 Iomraidhean Croise

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Johan 13:33

Ka ca thli, nangmi tengah asan ka awm tlaih manawh. Nangmi lawng kai he nan tlap u ai; tede aana khuehkung Judah thlaang thli tengah ka thui te tahe ah nangmi tengah kavan thui u, ‘Kai ka cehna ah nangmi na cet thai manawh.’

Johan 14:16

A Pa tengah ka bih vetih nangmi te dungyan aka awm puei hamla ahih lawngah atloe Bawmkung te nangmi m'peek ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 21:5

Tecoengah ahimi nala te, “Cadawng thli, nga khat khaw na tu u nawh aw?” a tina. Ahimi lawngah, “Khat khaw ka tu u nawh” a tina u.

Johan 5:14

Tecoeng atah Jesuh lawng ahih te Tempal bok-im khuiah a huh tih, “Hutung lah, tahe tah na hoeih poen; thawlhna sai tlaih boel, toeng loeih, tetih nawh kawinih athe-eep ngaai na sawah pakhat khat va thoeng ai.” a tina.

Johan 5:36

Tede Johan kah sausideng lak ah alentloe sausideng ham ka khueh: te tah a Pa lawng sai ham m'peek bii ka sai te ni, te lawng atah kai yuengla awl a thui vetih a Pa lawng kai he a tuih tila a tueng sak ai.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Johan 8:11

Te hutaa lawngah, “Bawipa khat khaw awm u nawh.” a tina. Jesuh lawngah, “Tetih atah theen, kai lawngkhaw kan khee van manawh. Cet loeih, tede thawlh koep tlaih boel.” a tina.

Caeltueih 7:52

Na patuer hue lawngah aheem atek nawh tawngha khat khaw awm aw? Amah kah thlaangdoeng Tuih-yoeih thlaang a lawna kawng, yan veng kalawng aka thui Pathen kah laipai thli te ahimi lawng a ngawn u. Tahe ah khaw nangmi lawng paipi na thleep u tih ahih te na ngawn u poen.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 6:15

Tetih atah mami he phungawl huiah n'awm tlaih nawh tih Pathen lungvatna huiah n'awm u dawngah thawlhna n'sai ai aw? N'sai manawh!

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

1Korin 15:34

Na thinkaw te caihpan sak u langtah thawlhna te toeng u loeih. Khatsut lawngtah Pathen khaw na ming u nawh tih yak uh ka ti dawngah ni tila ka thui.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

Ephesa 2:18

Khrih rang oen ah Judah thlaang khaw, Gental thlaang khaw mami boeih lawngah Muithla pakhat dawng kalawng Pathen haiah m'pha thai u.

Ephesa 4:26

Nangmi na thin a sa atah na thinsana lawng thawlhna khuila m'mawt boel seh, khawyungkhun na thin sa sak boel.

1Timothy 2:5

Metihtiah Pathen tah pakhat bueng awm tih Pathen oen thlaanghing laklaw ah roeproeina saikung thlaanghing boeih tlang ham hingna pekung thlaang Khrih Jesuh pakhat bueng awm.

1Timothy 3:14

Nangmi ham capat kavan thut vengah he nangmi tengah ayuela law ham oen nangmi te huh hamla ka ngaiuep.

Hebrew 9:24

Metihtiah vaan ah ataktangla aka awm kah mueithlip, thlaang kah sai Huen Ciim khuila te Khrih tah kuun nawh. Ahih tah vaan roe la te cet tih tahe ah te ah te mami yuengla Pathen haiah te a pha.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

James 3:9

Mami lawngah laai he Bawipa oen Pathen te koehna ham khawseh, Pathen mueisam oen aka lo u mami kah thlaangpuei khaw tapvoepna hamla n'hawna u.

1Peter 2:22

Ahih tah thawlhna khat khaw sai nawh, me veng khaw hoem awl thui vai nawh.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 3:5

Khrih tah thawlhna ciim sak hamla law tite na ming u, ahih dawngah thawlhna roe awm nawh.

1Johan 3:7

Ka ca thli, nangmi te a-u khat lawngkhaw n'thaina boel seh! Khrih tah thlaangdoeng la a awm angla a-u khaw doengna aka sai boeih tah thlaangdoeng van ni.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:17

Sai thawlh boeih he thawlhna ni, tede duekna toe aka pha sak nawh thawlhna awm.

1Johan 5:21

Ka ca ka nau thli aka soeng nawh pathen thli teng kalawng tloeng u lah.

3Johan 1:4

Ka ca thli te awltak dawngah awm u tila ka yaak thloei ah kai awmngaih sak tare ngai atloe awm nawh.