1Johan 1:8 - Matu Chin New Testament 2006

⁸ Mami lawng thawlhna ka khueh nawh n'ti u atah m'mah oen mah he, thailatna u tih mami khuiah awltak awm nawh.

Matu Bible

⁸ Tholhnah n'khueh uh moenih tila n'thui uh atah amah la n'rhaithi uh dongah oltak loh mamih khuiah om pawh.

1Johan 1:8 Iomraidhean Croise

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Rom 3:10

Caciim lawng tila a thui, “Thlaangdoeng a-u khat khaw awm nawh;

Rom 3:23

thlaanghing boeih lawng thawlhna a sai u dawngah Pathen teng kalawng athlathloeila awm u poen.

1Korin 3:18

A-u khaw amah oen amah te thai alat u boel seh. Nangmi tim kah a-u lawngkhaw amah oen amah te he dilai siing angla thlaangcuih la a poek u atah thlaangcuih tang tang la a awm thaina ham thlaangngau-paathuu la coengg seh.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

1Timothy 6:5

he tila aka awm thli tah kawpoek soeng tlaih nawh tih awltak te aka khueh tlaih nawh thlaang poen ni. Ahimi lawngah bokna he kuirang la coenggna lawngpui la a poek u.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

James 1:22

A awl te hutung doek hong mai oen namah oen namah te thai-alat u boel. A awl te ataktangla hawna lah.

James 1:26

Bokna ben ah ka tlungmu tangkiik mai tila aka poek thlaang awm aw? Ahih lawng a laai te a khoem thai nawh atah ahih kah bokna te aphu awm nawh tih amah oen amah te ni athai-alat u khoeng mai.

James 3:2

Mami boeih lawngah thawlhpalhna te hau n'sai poepa. Awlcal thingkaa ah aka cal thawlh nawh tah thlaangsoep la awm tih a pum araw boeih te aka uk thai thlaang la awm.

2Peter 2:13

Ahimi lawng thlaangtloe sawah raina a thoeng sak angla amami sawah raina oen a thung pe van ai. Ahimi ham tah nawmna ti he hingthuntaang ah pumsa kah hue-ngaihna soeprep sai he ni. Amami kah thailatna lawngpui ah te awmtheen u tih nangmi oen buh a veel haih u vengah khaw, haithelatt oen yarau aka thoeng sak la awm u.

1Johan 1:10

Mami lawng ka thawlh nawh n'ti u atah Pathen te hoem thui la n'sai u tih amah awl te khaw mami khuiah awm nawh.

1Johan 1:6

Tecoengah mami lawng ahih oen pawlneengna ka khueh n'ti u tih yiinna khuiah ng'awm u atah mami tah awlkaa oen khawseh, saina oen khawseh, hoem awl ni n'thui u.

1Johan 2:4

Thlaang pakhat khat lawng ahih te ka ming ti de, a awlpeek te a vai nawh atah te ang thlaang tah hoem aka thui tih ahih dawngah awltak awm nawh.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.

2Johan 1:2

Metihtiah awltak tah mami khuiah awm tih mami tengah ayoeyah awm ai.

3Johan 1:3

Nang tah awltak ben ah ueppangla na awm tih awltak dawngah na awm yoeyah tila khatsut Khrihca maya manau thli a law u vengah avan thui u tih ka awmngaih tangkiik.