1Johan 1:3 - Matu Chin New Testament 2006

³ Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

Matu Bible

³ Te te ka hmuh uh tih ka yaak uh dongah ni nangmih taengah khaw ka puen uh. Te daengah ni nangmih khaw kaimih taengah rhoinaengnah, pa neh mamih, a capa Jesuh Khrih neh rhoinaengnah te khaw na khueh uh eh.

1Johan 1:3 Iomraidhean Croise

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 17:25

Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 19:35

(He tila a awm he aka hukung lawng tila a thui he tah nangmi lawngkhaw na tangna u van hamla ni. Ahih lawng atak tang a thui te amah lawng a ming.)

Caeltueih 13:32

Tedawngah te Awlthang Theen te nangmi tengah thui hamla he la he ka law u: mami kah patuer thli tengah sai hamla Pathen lawng awl a kam te mami a cadil thli tengah Jesuh kah thawhkoepna rang oen tahe ah avan sai poen. Saam laa raawl hihna dawngah, Nang tah ka capa la na awm; tihin ah kai tah na Pa la ka awm poen,’ tila a thut.

Caeltueih 13:41

‘Hutung u lah! Nangmi nuihbu la thlaang aka sai hue! Lakueng uekcuek lang duek uh! metihtiah tihin ah ka sai ham koei he thlaang pakhat lawng van thui u cakhaw, na tangna u roe manawh!’ tila a thui” a tina.

Caeltueih 2:42

Ahimi lawngah celtuih hue tengah cangna, khat oen khat pawlneengna, beroep lopaang buh veelna, thangthuina ah amami kah atue te a hawna u.

Caeltueih 20:27

Metihtiah Pathen kah a kamthlahna te thuh phah muehla apum boeih la nangmi tengah biit kavan thui poen.

Caeltueih 4:20

Metihtiah kai hih lawngtah kamah mik oen ka huh tih ka haa oen ka yaak te thui hamla ka toeng manawh.” tila a thui hih.

Rom 15:27

Te tila awltloekna a khueh u te tah amami kah kawthawh oen ni; tede ataktang atah ahimi lawng-khaw, khawdeng thli bawm ham te a sai koei bii van ni. Judah thlaangphun lawng Muithla ben kah yotheenna te Gental hue tengah arek ara van angla Gental hue lawngkhaw amami kah thaihu thaiha yotheenna a dang te oen Judah thlaangphun te a bawm van ham awm.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 1:9

A Capa Jesuh Khrih mami Bawipa oen pawlneeng haih hamla khuekung Pathen tah uep-awm ni.

1Korin 15:1

Maya manau thli, Nangmi tengah kavan phawng Awlthang Theen, nangmi lawng na do u tih oengna ah acakla na paina u te tahe ah nangmi ming sak koep ham ka ngaih.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 2:1

Nangmi Khrih ah na hingna lawng tha a ra sak tih a lungna lawng nangmi kaw te a reem ahaal sak. Nangmi lawng Muithla oen pawlneengna na khueh u tih pakhat oen khat sawah lungna oen reenna te na khueh u.

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Kolosa 1:13

Amah lawng mami he yiinna thara huham khui kalawng n'thlawn tih a lungna a Capa ram khuiah ngaimawngla te n'kuun poen;

1Thessalonika 1:10

Vaan kalawng aka law ham a Capa na lamtoen u te khaw ahimi boeih lawng a thui u. A Capa Jesuh tah duekna kalawng a thawh sak tih aka law ham koei Pathen thinsana kalawng mami loeihsakkung ni.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

Hebrew 2:12

Ahih lawng Pathen tengah, “Nang lawng na sai te maya manau thli tengah ka thui ai, Ahimi a tunna ah nang te kan thangpawm ai,” tila a thui.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

2Peter 1:16

Mami kah Bawipa Jesuh Khrih tharana huham oen a lawna te kavan thui u vengah thlaang lawng a suen coplap ciil awl te kavan thui nawh. Kaimi lawng a bawilenna te ka mik roeroe oen ka huh u.

1Johan 1:1

Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.

1Johan 1:5

Tahe ah, a Capa teng kalawng ka yaak u tih nangmi tengah kavan phawng u awl tah he ni: Pathen tah aangna la awm tih ahih dawngah yiinna roeroe awm nawh.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.