1Johan 1:1 - Matu Chin New Testament 2006

¹ Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.

Matu Bible

¹ Te tah a tongcuek lamkah aka om tih te te n'yaak uh. Te te mamih mik neh n'sawt uh coeng. Te te m'hmuh uh phoeiah mamih kut loh a phathuep hingnah Olka kawng ni.

1Johan 1:1 Iomraidhean Croise

Luka 1:2

He thaihu thli he acuekca veng kalawng aka hu tih awlthang aka phawng thli lawng mami tengah avan thui te ahimi lawng a thut u.

Luka 24:39

Bueh lah, ka kut rawi oen ka khaw rawi he, Kamah ni nan huh u. N'tek u lah nan ming u badai, metihtiah muithla lawngtah thi-asa oen ruh te khueh nawh, nan huh u angla kai ngoen tah ka khueh ta.” a tina.

Johan 19:35

(He tila a awm he aka hukung lawng tila a thui he tah nangmi lawngkhaw na tangna u van hamla ni. Ahih lawng atak tang a thui te amah lawng a ming.)

Johan 20:27

Tecoengah Tawmas nala te, “Na kutdawn thli te ka kut dawngah khueh langtah ka kut he bueh lah; na kut te yueng langtah ka vee he yutt yam lah. Uepvoet tlaih boel, tangna loeih!” a tina.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 8:58

Jesuh lawng awl a thung pe tih, “Awl tak kavan thui u, Abraham a awm thlan ah Kai Ka Awm poen.” a tina.

Caeltueih 1:3

A duek coengah khawhin sawmlii khui puet ahimi tengah a phumpho pe tih ahih tah hing tite uepvoetna awm tlaih nawh.

Caeltueih 4:20

Metihtiah kai hih lawngtah kamah mik oen ka huh tih ka haa oen ka yaak te thui hamla ka toeng manawh.” tila a thui hih.

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.

1Johan 5:7

He kawngah sausi pathum awm.

Olphong 1:11

Te awl lawng, “Na huh thli he ca oen thut lang na thut cabu te he kah khawpui pasarih Efesa, Samarna, Perkamum, Tiatira, Sardis, Filadelfia oen Laudisia ah aka awm Khrihcabu hue tengah pat peh,” tila a thui.

Olphong 1:8

“Kai tah lamhacuek, oen hukhuengkoek ni tila aka awm lii, aka awm coeng poen tih aka awm poe ham koei Thara koek Bawipa Pathen lawng a thui.

Olphong 19:13

Ahih lawng thisen oen a nok baidung te a bai. A miing tah “Pathen Awl” a miingna.

Olphong 2:8

“Smarna khaaw Khrihcabu kah vanthlaang tengah he tila thut lah: “Lamhacuek oen hukhueng koek la aka awm; duek tih aka tho koep kah awl uen tah he tila awm.