MATEO 9:8 - Wanaadi A'deddu

⁸ Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

MATEO 9:8 Iomraidhean Croise

MATEO 12:23

Soto cönääcatoncaicho yaawä; cönä’döa’to: —¿Ñäädä ca mä’dä Dawí weichö? quee cönä’döa’to Jesuuquidiito jäcä.

MATEO 15:31

Ñanno soto cönääcatoncaicho yaawä, töwwäiñe eneea’jäcä ta’deudemjöncomo wa’deutadööcomo, töwe’tamonga’como waadoncadööcomo mmaja, secumja’como sheecuncadööcomo mmaja, tänuuquemjöncomo enu’tädööcomo mmaja. Aashicha cöna’deuwa’to yaawä iisadaaediitacoomo Wanaadiyö jäcä.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 9:7

Yaawä ñäädä dhanwa cönammöi; tömmai chaca cöntämä.

MAADOCO 2:12

Yaawä dea mma ñäädä dhanwa cönammöi. Tä’wötö shoomadö’jo cöntämä yaawä tameedä ñeenedööcomooje. Tameedä ñanno soto cönääcatoncaicho. Aashicha Wanaadi jäcä cöna’deuwa’to; cönä’döa’to: —Mädääjato aneene’da töweiye caato; quee cönä’döa’to.

MAADOCO 7:37

Tönwanno jooje töwääcatonca cönä’ja’to. Edääje töwä’döe cönä’ja’to: —Töwö Jesuuquidiito tameedäädä aashicha tönnöe. Töjaanaquemjönö jadä’jödöödä tömjana’duca, ta’deudemjönö töna’deudeme’jo mmaja; quee töwä’döe cönä’ja’to.

DUUCA 13:13

Yaawä töwö Jesuuquidiito tamäädö cönnöi ye’wä. Yaawä dea mma ñäädä wodi cöneesa’duminchai. Aashicha Wanaadi jäcä cöna’deuwöi yaawä.

DUUCA 17:15

Yaawä tooni töwääjichö’tä töwäädanta’jäcä cönennacai Jesuuquidiito döiña, töcä’de aashicha töwa’deuwancädä Wanaadi jäcä.

DUUCA 17:18

¿Anejja ennaca’da ca neiya aashicha a’deuwe Wanaadi jäcä, määdhä mma, aneiñajaano mma? quee cönä’döaacä.

DUUCA 18:43

Yaawä dea mma töneene ñäädä cönä’döi. Jesuuquidiito jadä cöntaacä yaawä, aashicha töwa’deuwancädä Wanaadi jäcä. Yää eneea’jäcä töwwäiñe tameedä soto aashicha cöna’deuwöicho dea Wanaadi jäcä.

DUUCA 2:20

Ñanno oweeja edai’chännamo cönennacaicho yaawä, aashicha töwa’deuwancädäiñe Wanaadi jäcä. Aashicha cöntö’tajä’a’to chääjäcä, töwwäiñe ecammajäätö’jödö nönge ene’jödö weijäcä, eta’jödö weijäcä mmaja.

DUUCA 23:47

Yää eneea’jäcä ñäädä suddau edhaajotoncomo wwä töwö aashicha cöna’deuwöi Wanaadi jäcä; cönä’döaacä: —Chäänöngato dämma määdhä nä’jaanä; quee cönä’döaacä.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 15:8

Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 21:20

Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

2 CODINTIYO 9:13

Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.

CAADATA 1:24

Yääje yeijäcä o’jodhe Wanaadi töne’tä cönä’ja’to öwö jääcäinchädä.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.