MATEO 8:4 - Wanaadi A'deddu

⁴ Yaawä Jesuuquidiito cönä’döaacä chäwwä: —Eneecä’ma, soto wwäiñe maneecammajäätöi’che mädä; Wanaadi wwono wa’deuwödö wwä mmaane äänejoota. Moisé necamma’jödö nönge Wanaadi wwä tu’emö änu’cä’de, soto dhowaanäcäiñe yeichö wetä yaawä töwääjichö’tä aweichö; quee cönä’döaacä Jesuuquidiito.

MATEO 8:4 Iomraidhean Croise

MATEO 10:18

Cajiichaanacoomo wwadäädä jadä’jödöödä adhaadäaato’de, acu’shänä wwadäädä mmaja, sootoije aweichöcoomo jo’tädööje. Mädääje ya’deddu ecammajä’jai maato chäwwäiñe, Wanaadi dhowaanojöncomo wwäiñe mmaja.

MATEO 16:20

Yaawä Jesuuquidiito cönä’döaacä chäwwäiñe: —Soto wwäiñe maneecammajä’täi’che Äwaanacaaneije weichö; quee cönä’döaacä.

MATEO 17:9

Jöö daca töwä’tädaawäiñe Jesuuquidiito cönä’döaacä chäwwäiñe. —Soto wwäiñe maneecammajä’täi’che yää meneeatoodö Soto nnedö waadoncadö wa’cä töwäämaajo jonno; quee cönä’döaacä.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MATEO 5:17

“Waanontänä e’nomjajo we’aatäi maneecanö’täi’che, Wanaadi wa’deuwödö ecammannamo a’deddu e’nomjajo jeiñe mma. E’nomjajo’daane we’ne, chäänönge tödöödö wetääne.

MATEO 6:1

“Äädai’chätääcä; soto wwäiñe adheenedööcomo wetä mma männötäi’che aashichaato. Yääje tödööa’jäcä äwwäiñe adheejemaatäiñe’da na’de Oomotoncomo caju ñano.

MATEO 9:30

Tönwanno töneene cönä’döicho yaawä. Yaawä Jesuuquidiito cönwätuujaicho jooje; cönä’döaacä: —Anejjacoomo wwäiñe maneecammajä’täi’che; quee cönä’döaacä.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

MAADOCO 3:12

Jesuuquidiito Wanaadi nnedööje töweichö ätä’täjo’da töweiye cönä’jaacä chäwwäiñe.

MAADOCO 5:43

Jesuuquidiito soto wwäiñe aneecammajoojätö’da cöneiyacä yääje tönnö’jödö jäcä. Chäwwäiñe ajei’choto’jaato cöneewashinchajoi yaawä.

MAADOCO 6:11

Anejja jataawoncomo aashicha ayöödötäiñe’da yeiya’comjäcä, aneecammajäätödööcomo eta’se’da yeiya’comjäcä mmaja, yäätonno ojoncomo’de, ä’juduucomo she’secaadöje mma, eta’se’da yeichöcoomo ene’ju’tojooje. Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja; quee cönä’döaacä Jesuuquidiito tönoowanoomadö wwäiñe.

MAADOCO 7:36

Yaawä Jesuuquidiito cönä’döaacä soto wwäiñe: —Anejjacoomo wwä maneecadeeme’täi’che mädä; quee. Yääje töwäätuuja’jocoomo weichaame jooje’cä mma töneecammajä’e cönä’ja’to.

MAADOCO 8:30

Yaawä Jesuuquidiito tönoowanoomadö wwäiñe Äwaanacaaneije töweichö aneecammajo’da cöneiyacä anejjacoomo soto wwäiñe.

MAADOCO 9:9

Yaawä jöö daca töwä’tädaawäiñe Jesuuquidiito cönä’döaacä chäwwäiñe: —Aneene’jocoomo maneecammajä’täi’che soto wwäiñe töwäämaajo jonno Soto nnedö waadoncadö wa’cä; quee cönä’döaacä.

DUUCA 17:14

Ñanno eneea’jäcä Jesuuquidiito wwä, töwö cönä’döaacä chäwwäiñe: —Ojoncomo; äänejootantäcä Wanaadi wwä töwa’deuwaamo wwäiñe; quee cönä’döaacä. Yaawä töötädaawäiñe töwääjichö’tä cönäädantoicho.

DUUCA 21:13

Yää na’de äwwäiñe ya’deddu ecammajo’tojo ñeetadööcomooje.

DUUCA 4:41

Jooje odo’shancomo mmaja cöneeja’caicho soto acannoiñe, töcä’tömjä’ancädäiñe: —Wanaadi nnedö amäadä; quee töwä’döancädäiñe. Töwö Jesuuquidiito cöneeta’jöichaja’to; ana’deujotäiñe’da cönä’jaacä, dhowaanäcäiñe töweijäcä Äwaanacaaneije töweichö.

DUUCA 5:14

Jesuuquidiito cönwätuujai yaawä soto wwäiñe yää aneecammajäätö’da yeichö wetä. Töwö cönä’döaacä chäwwä: —Wanaadi wwono wa’deuwödö wwä mmaane äänejoota. Moisé necamma’jödö nönge Wanaadi wwä tu’emö änu’cä’de, töwääjichö’tä aweichö ene’ju’to’me, soto dhowaanäcäiñe yeichö wetä yaawä töwääjichö’tä aweichö; quee cönä’döaacä Jesuuquidiito.

DUUCA 8:56

Yuumö, yeenö mmaja cönääcatoncaicho. Jesuuquidiito soto wwäiñe aneecammajoojätö’da cöneiyacä chäwwäiñe yääje tönnö’jödö jäcä.

DUUCA 9:21

Jesuuquidiito tönoowanoomadö cönwätuujaicho jooje Äwaanacaaneije töweichö aneecammajäätö’da yeichöcoomo wetä.

JUAN 5:41

“Aashicha jääcä soto wa’deuwödö tujunne’da öwwä na.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

JUAN 8:50

Täneejuque weichojo anencano’tä’da wa; yääje yeichaame töweiye na täneejuque weichojo encano’tänei, ñäädä tameedä emmencanei.