MATEO 8:11 - Wanaadi A'deddu

¹¹ Yääje wä’döa äwwäiñe, jooje soto ne’aato’de shii weja’catoojo dö’senno, shii womontojo dö’senno mmaja. Tönwanno Wanaadi jataacäi nääwashinchaato’de Aawadán jadä, Isaaca jadä mmaja, Jacoowo jadä mmaja.

MATEO 8:11 Iomraidhean Croise

MATEO 21:41

Tönwanno cönä’döa’to chäwwä: —Töja’e ’cännä töja’jai ñaato ñanno conemjöncomo, wentumje aneene’daiñe. Anejjacoomo wwäiñe audaajä edai’chojoojai yaawä, ñanno chu’nädö waadäi tönaatödö ejeedödö u’jai’chomoone; quee cönä’döa’to ñanno judhío edhaajotoncomo Jesuuquidiito wwä.

MATEO 24:31

Töwö tamoodedö nanontaato’de yaawä janau’cwa etöödö que tönei’jödö i’jummaiñe, tameedä yeichö wa’cä edä nono de’wä, caju o’wadö jona tödööene.

MATEO 3:2

Edääje töneecammajä’e cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 8:10

Jesuuquidiito wacö’je cönäätaacä yääje ya’deuwödö. Yaawä töjaadoncomo wwä cönä’döaacä: —Chäänönge yääje wä’döa äwwäiñe, mädääjato ecaanö’nei aneene’da wäänene, iisadaaediitacoomo jadä’jödöödä.

DUUCA 12:37

Ta’cwaiñe eijai ñaato ñanno tädhaajotoncomo wwä edai’chädööja’como woojodööjodööcomo. Chäänönge yääje wä’döa äwwäiñe, töwö chäädhajootoncomo nesoomajä’a’de yaawä. Meesa dö’tä tanoonö najiimajaato’de, töwwä ewanshinchädööcomo wetä.

DUUCA 16:22

Yääje mma yaawä ñäädä wentumjato cönäämai. Amoode caju ñancomo cönaadoicho yaawä Awadán döiña, Aashichaato ña. Yaawä ñäädä tönsomaacato cönäämai chea. Cöneewaacaicho yaawä.

DOSECHO 10:45

Yaawä judhío quedeiyentecoomo, ñanno Peedhodo jadoncomo we’a’como, cönääwammajoicho Epíiditu Santo wä’tudu weijäcä mmaja judhíojöncomo wwä.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

1 CODINTIYO 15:20

Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

2 TEESADOONISENSE 1:5

Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

APOOCADIISI 7:6

Aseede weichö madaaca’ño’jocoomo cönä’ja’to amoojadooto de’wä aacä miide. Neutadí weichö madaaca’ño’jocoomo cönä’ja’to amoojadooto de’wä aacä miide. Maanaseese weichö madaaca’ño’jocoomo cönä’ja’to amoojadooto de’wä aacä miide.