MATEO 8:10 - Wanaadi A'deddu

¹⁰ Jesuuquidiito wacö’je cönäätaacä yääje ya’deuwödö. Yaawä töjaadoncomo wwä cönä’döaacä: —Chäänönge yääje wä’döa äwwäiñe, mädääjato ecaanö’nei aneene’da wäänene, iisadaaediitacoomo jadä’jödöödä.

MATEO 8:10 Iomraidhean Croise

MATEO 15:28

Jesuuquidiito cönä’döaacä chäwwä: —Jooje mecaanö’a. Äjääcä neja’däto’ñojo ämjummadö nönge; quee. Yaawä dea ñäädä wodi nnedö cönaadoncai.

MATEO 8:11

Yääje wä’döa äwwäiñe, jooje soto ne’aato’de shii weja’catoojo dö’senno, shii womontojo dö’senno mmaja. Tönwanno Wanaadi jataacäi nääwashinchaato’de Aawadán jadä, Isaaca jadä mmaja, Jacoowo jadä mmaja.

MATEO 8:9

Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne;” ca’jäcä öwwä anejja wwä, töötä yaawä ñäädä. “Ä’cäde;” ca’jäcä, töwe’e yaawä, “Mädä tödööcä;” ca’jäcä öwwä yaanonö wwä, tönnöe yaawä töwö; quee cönä’döaacä ñäädä suddau edhaajotoncomo Jesuuquidiito wwä.

MAADOCO 6:6

Töwö cone’da cönä’jaacä aneecamjö’da soto weichomjäcä. Yaawä töwö cönäämannä’acä jata amoinchemjönö waadäi, soto owaanomancädäiñe.

DUUCA 5:20

Chäwwäiñe täcamjödö eneea’jäcä, Jesuuquidiito cönä’döaacä cädäijato wwä: —Ocoone’nadiiyö täncwanno’jo na; quee cönä’döaacä.

DUUCA 7:50

Yaawä Jesuuquidiito cönä’döaacä wodi wwä: —Äwwä ecamjödö weijäcä määwanaacai. Täncanoode’da äjääne eduuwä; quee cönä’döaacä Jesuuquidiito.

DUUCA 7:9

Jesuuquidiito wacö’je cönäätaacä yääje ya’deuwö’jödö. Töwö cönä’jedennacai; cönä’döaacä ñanno töncäconcomo weejödö wwäiñe. —Chäänönge yääje wä’döa äwwäiñe, mädääjato ecaanö’nei aneene’da wäänene, iisadaaediitacoomo jadä’jödöödä; quee cönä’döaacä.

DOSECHO 2:7

Tönwanno cönääwammajoicho töweicho’como ’je’da tödööene. Tönwannoje dea cönä’döa’to yaawä: —¿Caadideea ñancomo jönca canno tameedä na’deuwaatoodö?