MATEO 7:7 - Wanaadi A'deddu

⁷ “Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’ducaiye.

MATEO 7:7 Iomraidhean Croise

MATEO 18:19

“Edääje mmaja wä’dö’se wa dea äwwäiñe, edä nono de’wä aacä änwanno awa’deuwa’comjäcä yää jäcä dea Wanaadi wwä awa’deuwödööcomo wetä, Jaaja caju ñano nu’a’de aneecato’jocoomo.

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 6:33

Wanaadi acaajichaanaichomooje tödöödö jäcääne ätäncano’tätääcä, töwö yoije tödöödö jäcä mmaja. Tameedä yääcomo äwwäiñe nä’tua’de yaawä.

MATEO 7:11

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomotoncomo caju ñano aashichaato u’jai ña töwwä e’ca’nei wwä.

MATEO 7:8

Ñäädä e’ca’nei wwä töwä’tue töweiye nai, ujiiñei wwä töwäädantojo, a’dejjanei wwä mönaatata töwaata’duca.

MAADOCO 11:24

Yääje yeijäcä yääje wä’döä äwwäiñe, tameedä Wanaadi wwä ane’catäädöcoomo ecaanö’täcä utuudu; yaawä äwwäiñe nä’tua’de.

DUUCA 13:25

Maa edhaajä wwä mönaatata a’dua’jäcä änwanno jödo’na määdantaato’de yaawä, mönaatata a’ducaajodööje. “Cajiichaana, ñaa wwä a’ducaacä;” quee mä’döaato’de. Yaawä töwö adheccujä’aato’de: “Yoowanääcä’da maato, äshancomo ca änwannodö jääcä;” quee nä’döa’de.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:7

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 3:11

Etaanei ’je’da na; Wanaadi ujiiñei ’je’da mmaja.

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.