MATEO 6:2 - Wanaadi A'deddu

² Yääje yeijäcä wentumja’como wwäiñe utuudawä äwwä, maneecadeeme’joi’che. Ñanno yääjönö wa’co’como wäänejoodö naatoodöje’daane eichäcä. Tönwanno we’jummatoojo taca, jata antai mmaja, töwääcadeeme’jo weneeneto wentumja’como i’wa’tädaawäiñe töwwäiñe. Mädä tönnöe weneeneto aashicha soto we’deuwödööcomo wetä yaawä töjääcäiñe. Chäänönge yääje wä’döa äwwäiñe, mädä que mma täjeema naato.

MATEO 6:2 Iomraidhean Croise

MATEO 15:7

Yääjönö wa’co’como wäänejoodö änwanno. Chäänönge yääje Isaía cömmennäi äjääcäiñe:

MATEO 16:3

Jenaadäne mmaane edääje äwä’dödööcomo: “Eduuwa conoojo iiñatai; seweiche na caju, ca’dutu ’je mmaja;” quee äwä’dödööcomo. Änwanno yääjönö wa’co’como wäänejoodö. Änwanno töneene’ju’e määnetääne conoojo wiiñatoojo cu’nädö; edä weiñä naado cu’nädö mmaane aneene’jutu’da.

MATEO 22:18

Jesuuquidiito dhowaanäcä cönä’jaacä cone’da ta’deudeme’jo’se yeichöcoomo. Töwö cönä’döaacä: —Yääjönö wa’co’como wäänejoodö änwanno. ¿Ane’cotoojo cuyuunacaato?

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 23:6

Tönwanno täneejuca’como a’täi ye’wä töwei’sheiñe weneeneto wääwashinchänaawä, we’jummanaawä mmaja.

MATEO 24:51

Ñäädä chäädhajä nimaamincha’de yaawä jooje. Yääjönö wa’co’como wäänejoodö weichö’como aca nödööa’de. Iiña naamoa’de; jooje cone’da töwö na’de.

MATEO 5:18

Chäänönge yääje wä’döa äwwäiñe, tameedä chäänönge yä’dödö wa’cä tooni waanontänä imennajä’cä täma’da na’de, nono wataamedö jonaane, caju wataamedö jonaane mmaja.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:3

Amäädä mmaane wentumja’como wwäiñe utuudawä äwwä, aweichacoono wwä’jödöödä maneecammai’che.

MATEO 6:5

“Wanaadi wwä awa’deuwödaawäiñe ñanno yääjönö wa’co’como wäänejoodö naatoodöje’daane eichäcä. Tönwanno yaacö’comje Wanaadi wwä töwa’deuwödööcomo jiidi, we’jummatoojo taca, jödo’na mmaja, täneedöcoomo wetä soto wwäiñe. Chäänönge yääje wä’döa äwwäiñe, mädä que mma täjeema naato tönwanno.

MATEO 7:5

Yääjönö wa’coto wäänejoodö amäädä. Äwämmamö’jödö adai’joto u’cacä awa’de, aashichaane meneiye yaawä aweichacoono wämmamö’jödö’cä u’cadö wetä.

MAADOCO 12:39

Täneejuca’como a’täi ye’wä töwei’sheiñe weneeneto we’jummanaawä, wääwashinchänaawä mmaja.

MAADOCO 7:6

Jesuuquidiito cöneccujä’a’to: —Chäänönge Isaía adheecammatääne, änwanno yääjönö wa’co’como wäänejoodö. Edääje töwö cömmennäi: Canno soto aashicha jääcä töwa’deuwe weneeneto, chö’tajäätödööcomo mmaane amoinche na jääcä.

DUUCA 11:41

Wanaadi jummadö queene änu’täcä’de yää äwwäiñe naadö; yaawä tameedä amoije’da na’de äwwäiñe.

DUUCA 11:43

“Wentumje maato’de änwanno jaadiseeo. Änwanno täneejuca’como a’täi ye’wä awei’sheiñe määnetääne we’jummanaawä. Tönoiñe adheene’madööcomo que jata antawä soto wwäiñe awaata’dejjajoodöcoomo awaacö’comje mmaja.

DUUCA 12:33

Äwwäiñe naadö u’jä’täcä, chääje’jödö manu’täiye yaawä wentumja’como wwäiñe. Ajöödataichomo ewöötö ännötääcä ijumjäje töwä’döemjönööne. Caju ñanoone onsomaadöcoomoje i’jummatääcä, yää ataamejöönö. Iiña tämeenato omoomö’da, cödhaucwä änäu’cwa’da mmaja.

DUUCA 12:56

Yääjönö wa’co’como wäänejoodö änwanno. Änwanno weiñä töneene’ju’e määnetääne, caju weichö eneedö que, nono weichö eneedö que mmaja. ¿Aaquene eduuwa weiñä naadö cu’nädö aneene’jutu’da maato?

DUUCA 13:15

Yaawä Cädhaajotoncomo cöneccujä’acä; cönä’döaacä: —Yääjönö wa’co’como wäänejoodö änwanno. ¿Adheecönööcomo ani’wadööca’da ca töweiye määnetääne wäädeetatoojo anootoi’chädö awä, tuna emjo adäädö wetä?

DUUCA 20:46

—Odhoowoinchadäiñe’da eichäcä judhío owaanomannamo jäcäiñe, ñanno nuwe töwoomöcoomo yaacötö’como. Tönwanno yaacö’comje weneene tönoiñe täne’madööcomo que soto wwäiñe ta’dejjadööcomo jata antawä. Täneejuca’como a’täi ye’wä töwei’sheiñe weneeneto we’jummanaawä, wääwashinchänaawä mmaja.

DUUCA 6:24

“Änwanno tönsomaaca’como mmaane wentumje maato’de. Eduuwa mma mä’wa’deme’caato.

DUUCA 6:42

¿Aaquene yääje mä’dödö deaade’ aweichacoono wwä: “Weichacoono, äwämmamö’jödö’cä wu’ca’ñojo;” quee, adai’jä yeichaame amäädä äwämmamö’jödö? Yääjönö wa’coto wäänejoodö amäädä. Äwämmamö’jödö adai’joto u’cacä awa’de, aashichaane meneiye yaawä aweichacoono wämmamö’jödö’cä u’cadö wetä.

JUAN 13:29

Ñäädä Juudha cönä’jaacä töjöödataichomo edhaajäje ñeewaacadööcomo; yääje yeijäcä anejjacoomo cöntö’tajä’a’to äwanshi ejeema anontaatäi jeiñe mma, wentumja’como wwä jödaata u’jaatäi jeiñe mma.

JUAN 5:41

“Aashicha jääcä soto wa’deuwödö tujunne’da öwwä na.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 10:2

Aashichaato töwö cönä’jaacä; Wanaadi tönoiñe töneene, tameedä yä’jimmä’tädö mmaja. Jooje jödaata tunu’e cönä’jaacä wentumja’como wwä; weiñäje Wanaadi wwä töwa’deuwe cönä’ja’dea.

DOSECHO 10:31

Töwö cönä’döaacä öwwä: “Conneediyo, Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 10:4

Töwö Conneediyo tösaadöje yäätäädä amoode cöneene’maacä; cönä’döaacä chäwwä: —¿Ane’cä mädä, Cajiichaana? quee cönä’döaacä. Yaawä ñäädä amoode cönä’döaacä: —Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 11:29

Yaawä quedeiyentecoomo Antiyooquía ñancomo cöna’deuwöicho töjimmotoncomo Judheea ñancomo wwadäädä jödaata adoojodö wetä, i’wa’toto’comooje yää ämi awä. Töwaadäiñe cuntuicho u’jai töweichöcoomo woije.

DOSECHO 24:17

“Numa jaatadö aneene’da weichö jonno aneiñajanno yennacaane yaawä täjemjönö imö’que jimmä döiñaiñe, Wanaadi wwä saaquidiijiisiyo döe mmaja.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOMAANO 12:8

ñäädä quedeiyente yäätuujaneichomo ’quene, yää jäcä daja oowoinchajai ña dea. Ñäädä täjemjönö u’jä’nei, ewontancädä’da u’jä’jai ña. Ñäädä quedeiyente e’se’täneichomo, towaadäädä töweiyancädä e’se’täjai ñaato. Ñäädä wentumja’como i’wa’täneichomo, ta’cwaiñe töweiyancädä yää tödööjai ña.

1 CODINTIYO 13:3

Tameedä öwwä naadö u’jä’a’jäcä a’ca’como wwä, tödha’tueemöje wä’tua’jäcä mmaja, wä’jummanä ’je’da weichaame, tameedä yää dö’da na.

CAADATA 2:10

Edääje mmaja cönä’döa’to dea ñaa wwä: “Wentumje eneetäcä’de wentumja’como;” quee. Yää ñeecamma’jocoomo tönnöe wäänene yoowadäädä weichö que.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

JIIDEMÓN 1:7

Weichacoono, mädä wä’jummanä ’je aweichö ya’cwaimatä weneene, jäädu’tätä mmaja, amäädä ani’wa’tädö que quedeiyentecoomo tömjädu’täiñe aweijäcä.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.