MATEO 6:1 - Wanaadi A'deddu

¹ “Äädai’chätääcä; soto wwäiñe adheenedööcomo wetä mma männötäi’che aashichaato. Yääje tödööa’jäcä äwwäiñe adheejemaatäiñe’da na’de Oomotoncomo caju ñano.

MATEO 6:1 Iomraidhean Croise

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 16:6

Yaawä Jesuuquidiito cönä’döaacä chäwwäiñe: —Odhoowadäädaiñe eichäcä; äädäi’chätääcä jaadiseeo nummannä’cato’como jäcä, saadhuseeo nummannä’cato’como jäcä mmaja; quee cönä’döaacä.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 5:46

Ajummannamo mma ijumma’jäcä äwwäiñe, ¿aaquene ääjemaajai ñai yää? Mädääje acu’shänä jödaatai i’jummanei nijumma tujummanei chea mma.

MATEO 5:48

Aashichaane eichäcä, Oomotoncomo caju ñano aashicha naadöje mmaja.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

MAADOCO 8:15

Yaawä Jesuuquidiito cönä’döaacä chäwwäiñe: —Odhoowadäädäiñe eichäcä, äädai’chätääcä jaadiseeo nummannä’cato’como jäcä, Edoodhe nummannä’catoojo jäcä mmaja; quee cönä’döaacä.

DUUCA 11:35

Odhoowoinchadä’da eichä, adhaawadööjato’jödö änweijo’da’da mma ei’che.

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

JUAN 12:43

Tönwanno aashicha soto wa’deuwödö töjääcäiñe tumjumma cönä’ja’to jooje’cä, Wanaadi wa’deuwödö e’jodhe’cä.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

DOSECHO 3:12

Yaawä töwwadäädäiñe soto weejödööcomo eneea’jäcä, Peedhodo cönä’döaacä chäwwäiñe: —Änwanno iisadaaediitacoomo, ¿ane’que’nei määcatoncaato? ¿Ane’que’nei mädä wa’cä ñaa mene’maato, ñaa jäduudu que määdhä adonca’jödööjönö? Töjäädudu que’da ñaa nejoimajoi, Wanaadi owaadäädä aashicha ñaa weichö que’da mmaja.

CAADATA 6:12

Ñanno siicunsidaadoje ayöödöjo’sa’como yää nödööjaato soto jadäiñe aashicha töweichöcoomo wetä mma, cuduusa jäcä Quidiito wääma’jödö jäcä ecammajäätödö jäcäinchädä töwäntunamjö’seiñe’da töweichomjäcä.

EEWEDEO 11:26

Töwö chäwwä cöntö’taacä aashicha’cä jeene Quidiito jäcäinchädä wä’quiiñeme’jonä, tameedä Ejiito ñano mösooma dha’me weiñä e’jodhe’cä; Wanaadi wwä täjeemadööne cönencano’taacä töwö.

EEWEDEO 2:1

Yääje yeijäcä aashichaane ijaanataajai caato yää wätunnä queetatäänedö jäcä, choojonno mma cösaadijanto’no.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

2 JUAN 1:8

Äädai’chätääcä, äncana’cadööcomo mma manennanö’cato’no, yä’jödöödääne adheeje’jocoomo eiye.