MATEO 5:4 - Wanaadi A'deddu

⁴ “Ta’cwaiñe eijai ñaato ñanno töwaamo’como; tönwanno nä’wa’däjaato’de.

MATEO 5:4 Iomraidhean Croise

DUUCA 16:25

Aawadán cönä’döaacä chäwwä: “Ätö’tacä önnedö, nudä aweichö aashicha awei’jödö jäcä, Dáasado wäntunaanö’taame. Eduuwa töwö täncanoode’da na, amäädä äwäntunaanö’taame.

DUUCA 6:21

“Ta’cwaiñe eijai maato änwanno ämiije määnetäänedö; änwanno äwwäiñe aashichaato nä’tua’de, ämjummadööcomo wa’cä. “Ta’cwaiñe eijai maato änwanno töwaamo’como; änwanno adha’seuwato’de yaawä.

DUUCA 6:25

“Wentumje maato’de änwanno jooje töwääwashinchä määnetäänedö; ämi miyeetuncaato’de yaawä. “Wentumje maato’de änwanno eduuwa töwa’seuwa’como; änwanno maamoaato’de wentumje aweichöcoomo e’nei.

DUUCA 7:38

Yaawä töwaamoancädä töwö cönä’döi Jesuuquidiito ncadheedä, i’judu dö’tä. Cönaajäntäi yaawä i’judu töjöödö tänaacudu que; tuju’jädö que cöncocaacä. Shuumajä’ancädä tönnejöödö juu shimi’jotoojo que i’judu cömjöi yaawä.

DUUCA 7:50

Yaawä Jesuuquidiito cönä’döaacä wodi wwä: —Äwwä ecamjödö weijäcä määwanaacai. Täncanoode’da äjääne eduuwä; quee cönä’döaacä Jesuuquidiito.

SANTIYAACO 1:12

Ta’cwaiñe eijai ña ñäädä tuyuunacaadö shinchänei. Chäänönge toneejadö shincha’jäcä chäwwä, chaana’nadiiyö nä’tua’de yaawä, yää töweichö eneetojo, tameedä tujummannamo wwä Wanaadi necamma’jödö.

APOOCADIISI 21:4

Töwö Wanaadi nichocca’de tameedä chäänacuuducoomo. Wäämanä ’je’da na’de yaawä, wentumje weiñä ’je’da mmaja; waamonä ’je’da na’dede, se’neiñe weiñä ’je’da mmaja, awa’deenato weiñä wataame’jödö weijäcä; quee cönäätaacä a’deu.