MATEO 4:12 - Wanaadi A'deddu

¹² Jesuuquidiito wwä eta’jäcä Juan jedeesoje yeichö, Caadideea ña cöntämä yaawä.

MATEO 4:12 Iomraidhean Croise

MATEO 11:2

Yaawä jedeesoje töweichö Juan cöneetaacä Jesuuquidiito ecaadö. Töwö aacä tönoowanoomadö cönenno’jaicho yaawä

MATEO 14:3

Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.

MAADOCO 1:14

Yääje mma yaawä jedeesoje Juan wä’döja’jäcä, Jesuuquidiito cöntämä Caadideea ña, aashichaato wätunnä ecammajä’ancädä Wanaadi töcaajichaanaije tödöödö jäcä.

MAADOCO 6:17

Edoodhe yääje cönä’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo. Töwö Edoodhe ñäädä Edoodhía cönnöi töjiiñamooje.

DUUCA 23:5

Tönwanno jooje’cä mma cöna’deuwa’to yaawä; cönä’döa’to: —Tameedä Judheea ñancomo töni’jedäiñe weneene töwwä owaanomaadö que, Caadideea ña yaajäntä’jödö sadä tödööene; quee cönä’döa’to ñanno Wanaadi wwä töwa’deuwaamo edhaajotoncomo.

DUUCA 3:20

Yää aneeta’da Edoodhe cönä’jaacä. Jooje’cä mma töcoone’nadiiyö cöneejannäjöi Juan jedeesoje tödöödö que.

DUUCA 4:14

Yääje mma yaawä Jesuuquidiito cönennacai Caadideea ña, Epíiditu Santo jäduudu ’je. Chääcadö cöneecatai tameedä yää weichö wa’cä.

DUUCA 4:31

Yaaje mma yaawä Jesuuquidiito cöntämä Cajeedamu ña, Caadideea ñano jataaca. Yäätä töwö soto cönoowanooma’to wäädeetatoojo anooto awä.

JUAN 1:43

Yää jenamma naadöje Jesuuquidiito töötä’se cönä’jaacä Caadideea ña. Töwö Jediipe cöneedantäi; cönä’döaacä chäwwä: —Jaadä eichä; quee.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 3:24

Yää cönä’jaacä jedeesoje Juan ä’döjo’dadä.

JUAN 4:43

Aacä anoototo ai Jesuuquidiito cönääma’täi yäätonno; Caadideea ña cöntaacä.

JUAN 4:54

Yää cönä’jaacä aacädeeto täneemö tödöödö Jesuuquidiito wwä Judheea ñano’jödö Caadideea ña töwä’döa’jäcä.