MATEO 3:2 - Wanaadi A'deddu

² Edääje töneecammajä’e cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 3:2 Iomraidhean Croise

MATEO 10:7

Edääje ecammajä’täcä’de: “Amoinche’da nä’döi eduuwa Wanaadi acaajichaanaichomooje yä’dötoojo;” quee caichäcä’de.

MATEO 11:20

Yaawä Jesuuquidiito cönaajäntäi töötäjäätö’jödö jataawoncomo jäcäiñe töwa’deuwödö, tötö’tajäätödööcomo änsa’dumincha’da yei’jocoomo weijäcä, jooje täneemö iiñödö weichaame. Edääje töwö cönä’döaacä:

MATEO 12:41

Yaawä, wätämmencajootojo anooto awä, canno soto eduuwa naatoodö wätääcamma’jojoodawäiñe, tönwanno Niiniwe ñancomo’jödö wwä conemjöncomooje nätä’täjaato’de. Ñanno Niiniwe ñancomo tötö’tajäätödööcomo cönsa’duminchaicho Joná necammajäätödö etaadö’jo. Joná e’jodhaato’cä jaiñoone eetä na eduuwa.

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

MATEO 13:24

Yaawä Jesuuquidiito cöna’deuwöi chea chäwwäiñe yö’seeno ai; cönä’döaacä: —Edääje na Wanaadi cajiichaanaje yeichö: Dhadöödö aashichaato dhanwa cönnatö’täi tönaudä’jödö awä.

MATEO 13:31

Edääje Jesuuquidiito cöna’deuwöi chea chäwwäiñe yö’seeno ai: —Wanaadi cajiichaanaje yeichö na wishu adöödö töweiye naichöje, audaajä aca ñaatö’taajä.

MATEO 13:33

Edääje mmaja Jesuuquidiito cöna’deuwöi chea chäwwäiñe yö’seeno ai: —Wanaadi cajiichaanaje yeichö na äwanshi ummannä’cajootojo töweiye naichöje. Yää ummannä’cajootoojo wodi tödööjai ñaadö naane’ aaduwaawä taasa äiña ajooajä aca, tameedä yummamöödö wetä; quee cönä’döaacä Jesuuquidiito.

MATEO 13:47

“Wanaadi cajiichaanaje yeichö na dea na’cwacancomo i’yätoojo töweiye naichöje. Ñanno i’yännamo i’yätoojo nemaato na’cwaca; änneene’jödöödä na’cwacancomo najäiyaato yaawä.

MATEO 13:52

Töwö cönä’döaacä chäwwäiñe: —Tameedä owaanomaanei, Wanaadi töcaajichaanaije weiñä jäcä owaanomaajä, dhanwa töjaatuwai töna’duca töweiye naichöje na. Ñäädä dhanwa tönnacoomo wwäiñe nu’jä’a yaawä mösooma, eduuwaato mmaja, jenaado’jä mmaja; quee cönä’döaacä Jesuuquidiito tönoowanoomadö wwäiñe.

MATEO 18:23

“Yääje yeijäcä Wanaadi cajiichaanaje yeichö na edä nono de’wono cajiichaana töweiye naichöje. Ñäädä cajiichaana tösootoi cöna’dejjaicho ñeejeque’näjöödöcoomo ejeemajoodö wetä chäwwäiñe.

MATEO 20:1

“Wanaadi cajiichaanaje yeichö na edä nono de’wono tönaudäcaato töweiye naichöje. Yaawaanadaawä ñäädä cöntämä tönaudä’jödö awä töweetadaawa’cajaamo wetä.

MATEO 22:2

—Edääje na Wanaadi cajiichaanaje yeichö. Dhanwa cönä’jaacä cajiichaana; töwö tönnedö jötaadö enennamooje soto cönaajä’maicho.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 25:1

“Edääje na Wanaadi töcaajichaanaije weiñä. Ajei’choto’ja’como cönä’ja’to amoojadä. Tönwanno cöntonto jötaanä ene tödhaawadööcomo dha’me. Yäätä töjöötaamö cönwomo’ca’to.

MATEO 25:14

“Edääje mmaja na dea Wanaadi töcaajichaanaije weiñä. Dhanwa cönä’jaacä aneiñaja töötäämö. Töötääje tösootoi cöna’dejjaicho, töjöödatai utuudu wetä chääwaadäiñe, chäwwäiñe edai’chojoodöje.

MATEO 4:17

Yaawä Jesuuquidiito cönaajäntäi ecammajäätödö. Töwö töwä’döe cönä’jaacä: —Ätö’tajäätödööcomo sha’duminchatääcä. Amoinche’da nä’döi eduuwa Wanaadi acaajichaanaichomooje yä’dötoojo; quee töwä’döe cönä’jaacä.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 5:10

“Ta’cwaiñe eijai ñaato ñanno chäänönge töweichöcoomo jo’tadööja’como wäntunamjödö, Wanaadi töcaajichaanaichomooje yeijäcä.

MATEO 5:3

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

MATEO 6:10

töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

MATEO 6:33

Wanaadi acaajichaanaichomooje tödöödö jäcääne ätäncano’tätääcä, töwö yoije tödöödö jäcä mmaja. Tameedä yääcomo äwwäiñe nä’tua’de yaawä.

MAADOCO 1:15

Töwö töwä’döe cönä’jaacä: —Chu’nädö aca nä’döi eduuwa. Amoinche’da nä’döi eduuwa Wanaadi acaajichaanaichomooje yä’dötoojo. Ätö’tajäätödööcomo sha’duminchatääcä; ecaanö’täcä aashichaato wätunnä; quee töwä’döe cönä’jaacä.

MAADOCO 1:4

Mädääje Juan Wautiita cönä’jaacä jata ’jemjönö aca, wautisaaje soto tödöödöcoomoje. Töwö töwä’döe cönä’jaacä: —Wautisaaje ä’döjootäcä; ätö’tajäätödööcomo sha’duminchatääcä, ocoone’nadiiyöcoomo ätäncwanno’joiye; quee töwä’döe cönä’jaacä.

MAADOCO 6:12

Ñanno cöntonto yaawä. Edääje töneecammajä’e cönä’ja’to soto wwäiñe: —Aweichöcoomo sha’duminchatääcä; quee.

DUUCA 1:16

Töwö niiñacaanö’jaato’de jooje iisadaaediitacoomo Tädhaajotoncomo Wanaadi wwadäädä.

DUUCA 11:20

Öwö mmaane Wanaadi jäduudu que odo’sha tömja’canö’jo wäänene. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeicho.

DUUCA 13:3

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede.

DUUCA 13:5

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede; que cönä’döaacä Jesuuquidiito.

DUUCA 15:10

Chäänönge yääje wä’döa äwwäiñe, ñäädä wodi ta’cwaiñe cönä’ja’döje mmaja Wanaadi amoodedö caju ñancomo töwa’cwaincha weneeneto dea tooni conemjönö tödöönei wwä tötö’tajäätödö sha’dumincha’jäcä; quee cönä’döaacä Jesuuquidiito.

DUUCA 15:7

Chäänönge yääje wä’döa äwwäiñe, ñäädä dhanwa ta’cwaiñe cönä’ja’döje mmaja caju ñancomo ta’cwaiñe weneeneto dea tooni conemjönö tödöönei wwä tötö’tajäätödö sha’dumincha’jäcä, ijimmä aashicha’como jäcäiñe ta’cwaiñe töweichöcoomo e’jodhe’cä, ñanno tötö’tajäätödööcomo sha’duminchadö tujunnemjöncomo.

DUUCA 16:30

Yaawä ñäädä tönsomaacato’jödö cönä’döaacä: “Ng’jn, Jaaja Aawadán, yäämaajä’jödö yöiñaiñe iicha’jäcääne, yaawääne tötö’tajäätödööcomo sha’duminchajai ñaato;” quee cönä’döaacä.

DUUCA 21:31

Mädääje mmaja tameedä mädä töweeja’dä’emö eneea’jäcä äwwäiñe chö’tamme’täcä’de yaawä Wanaadi cajiichaanaje yäänejootojo amoinche’da yeichö.

DUUCA 24:47

Jeduusadén ñano jonnoto’jödöödä töwö chäätö joi tameedä soto wwäine ätääcammajai ña tötö’tajäätödööcomo sha’duminchatoojo, töcoone’nadiiyöcoomo encwanno’jotoojoje.

DUUCA 6:20

Yaawä Jesuuquidiito tönoowanoomadö ene’mancädäiñe cönä’döaacä: —Ta’cwaiñe eijai maato änwanno tönsomaaquemjöncomo, Wanaadi acaajichaanaichomooje yeijäcä.

DUUCA 9:2

Töwö cönaanontoicho Wanaadi töcaajichaanaije tödöödö jäcä ecammajä’e, cädäija’como adonca mmaja.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 17:30

Jenaadä töshinchääne Wanaadi tönshinchä cönä’jaacä towaanojo’ne’da soto weichöcoomo. Eduuwa mmaane töwö nanonta tameedä soto weichöcoomo wa’cä tötö’tajäätödööcomo sha’duminchadö jäcä.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 26:20

Awa’deene wecammajä’ne Damaacu ñancomo wwä; yää ’jeje Jeduusadén ñancomo wwä mmaja, tameedä Judheea ñancomo wwä mmaja; judhíojöncomo wwä wecammajä’ne dea. Edääje töwä’döe wä’jaaquene chäwwäiñe: “Ätö’tajäätödööcomo sha’duminchatääcä, Wanaadi wwadäädä ä’jedennacaatäcä. Aashichaato tödöötäcä chö’tajäätödööcomo wesa’dumincha’como weichö nönge deaane;” quee töwä’döe wä’jaaquene chäwwäiñe.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

2 CODINTIYO 7:10

Yää Wanaadi woijato que cone’da wä’döjoonä tötö’tajäätödö wesa’duminchadö nejoodöja; yää neja’ca yaawä wääwanaacatoojoje. Mädä nöngato que cone’da wä’döjoonä cone’da tödööemje’da na. Edä nono de’wono woijato que cone’da wä’döjoonä mmaane wäämanä nejoodöja.

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

EEWEDEO 6:1

Yääje yeijäcä tooniye quiija’dä’täiye yää awa’deene Quidiito jäcä woowanoomanä; sö’jato jona tödööene cöötätäiye. Awa’deene woowanooma’jä jona mmaja ennaca’da queichäiye, yää weicho’jönö weiñä jonno tötö’tajäätödö sha’duminchadö jäcä ecammajäätödö, Wanaadi ecamjödö jäcä ecammajäätödö mmaja,

2 PEEDHODO 3:9

Töwö Cajiichaana encwainchejö’da na töwääcamma’jödö jäcä, anejjacoomo yencwainchejöödö töneecamma weneenetoodöje’da. Wentumje cäne’madööcomo mädä chäwwä, tooni’chä yännamjö’se’da töweijäcä, tameedäädääne tötö’tajäätödööcomo sha’dumincha’se.

APOOCADIISI 2:21

Öwö a’que wiyoomo’ne tötö’tajäätödö sha’duminchadö chäwwä; töweesa’dumincha’se’daane töwö, tömaasuduichadö e’nomja’se’da mmaja.

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.