MATEO 27:2 - Wanaadi A'deddu

² Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MATEO 27:2 Iomraidhean Croise

MATEO 20:19

Judhíojöncomo wwäiñe nu’aato’de yaawä enno’jätöödö wetä chäwwäiñe, aiju’jätöödö wetä mmaja, cuduusa jäcä ajoijodö wetä mmaja. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

MATEO 28:14

Acu’shänä owaanäcä yä’döa’jäcä ñaa nemuunä’a’de mma’ne, äjääcäiñe cone’da yeichö queiñe; quee cönä’döa’to ñanno inchoncomo suddau wwäiñe.

DUUCA 13:1

Yaawä dea mma anejjacoomo cöneejoto Jesuuquidiito döiña. Tönwanno chäwwä cöneecammajä’a’to Pidaato wwä Caadideea ñancomo töjaajo’jocoomo jäcä, saaquidiijiisiyo tödöödawä chäwwäiñe. Yaawä Pidaato tömjajo’jocoomo aquiiyöcoomo cönoimai saaquidiijiisiyo iiñö’jocoomo aquiiyö jadä.

DUUCA 20:20

Yaawä tönwanno tanoonöcoomo cönaanontoicho, aashicha’como wa’cä töwäänejancädäiñe, cone’da Jesuuquidiito a’deudeme’jo, jedeesoje tödööjodö weta yaawä acu’shänä wwä.

DUUCA 23:1

Yaawä ñanno jooja’como soto cönammöicho, Jesuuquidiito cönaadoicho Pidaato wwadäädä.

DUUCA 23:12

Yää anooto awä Pidaato cöneeconeecaicho Edoodhe acä, äätu’dedööje töweichöcoomo jonno.

DUUCA 3:1

Juujatonno wedu Tiweediyo acu’shänääje yeichö, Ponsiyo Pidaato cajiichaanaje cönä’jaacä Judheea ña. Yaawä Edoodhe cajiichaanaje cönä’jaacä Caadideea ña. Dhacoono Jediipe mmaane cajiichaanaje cönä’jaacä Ituudea ña, Tadaaconiite ña mmaja. Disaaniya cajiichaanaje cönä’ja’dea yaawä Aawidiiniya ña.

JUAN 18:12

Yaawä ñanno suddau, chäädhajootoncomo mmaja, judhío anoonö mmaja, Jesuuquidiito cönaajoicho; cömmöicho yaawä.

JUAN 18:24

Yaawä Aná Jesuuquidiito tömööjä’e cönaadojoi Caijaasa wwadäädä, ñäädä Wanaadi wwä töwa’deuwaamo edhaajotoncomo.

JUAN 18:28

Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

DOSECHO 12:6

Yaawä Edoodhe wwä soto wwadäädäiñe tu’catoojo coijaichawä Peedhodo wönö’näje cönä’jaacä aaconcomo suddau antawäiñe. I’wadö’taajä cönä’jaacä aacä cadheena que, sejaadadi döaajä. Mönaatajo anejjacoomo suddau mmaja cönä’ja’to dea, jedeeso ewöötö’tädö edai’chännamo.

DOSECHO 21:33

Yaawä suddau edhaajotoncomo cöntämä yoiñaiñe; töwö Paudo cömmöjoojätöi aacä cadheena que, jedeesoje adäädö wetä. Töwö Paudo cöneecamma’joi: —¿Änääcö amäädä? ¿Ane’cäämö mödöi? quee cönä’döaacä.

DOSECHO 22:25

Yaawä taiju’jätöödö wetä tömööa’jäcä Paudo cönä’döaacä suddau wwä: —¿Mädääje ca domaano tödöödö töweiye nai, ecamma’jodö’jo’da mmädä aiju’jätöödö? quee cönä’döaacä Paudo.

DOSECHO 22:29

Yää etaadö’jo ñanno Paudo aiju’jätö’sa’como cöntonto yaawä. Suddau edhaajotoncomo mmaja cönääcatoncai chea töwwä imööjo’jödö weijäcä.

DOSECHO 24:27

Aacä wedu cöneeja’dätäi yaawä; yää ’jeje Poosiyo Jeetu cöneewaacaicho acu’shänääje, Jeedi emeetacaanoje. Ñäädä Jeedi acu’shänääje töweichö jonno töwäätu’cadaawä judhíocoomo a’cwaima’se cönä’jaacä; yääje yeijäcä jedeesojeedä Paudo cönnämäi.

DOSECHO 28:20

Yääje yeijäcä mana’dejjato öwö, adheenedööcomo wetä, äwwäiñe wa’deuwödö wetä mmaja. Öwö jedeesoje wa jönaawä mmädä, töneecanö’e weijäcä Wanaadi necamma’jödö, yää tameedä iisadaaediitacoomo mmaja necaanö’aatoodö dea; quee cönä’döaacä Paudo ñanno judhío Dooma ñancomo wwäiñe.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.

DOSECHO 9:2

Jajeeda imennaajä cöne’catäi chäwwä Damaacu ña töötotoojo quedeiyente ujiiyeiñe, Jeduusadén ña jedeesoje eneejödööcomo wetä yaawä, dhanwaacomo, wodiiñamo mmaja.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.