MATEO 26:42 - Wanaadi A'deddu

⁴² Töwö cöntännea yaawä; Wanaadi wwä cöna’deuwöi chea; cönä’döaacä: —Jaaja, mädä äiñetunca’da eijai’cha weiya’jäcä, amäädä ätö’tajäätödö woije wei’ñojo; quee cönä’döaacä.

MATEO 26:42 Iomraidhean Croise

MATEO 20:22

Jesuuquidiito cöneccujä’acä; cönä’döaacä: —Odhoowanoojöncomo me’ca’ato. ¿Öwö neenödööje töweiyemööje naadö emjai maato dea änwanno, yää wäntunaanö’tojo? ¿Öwö wautisaaje wä’döjootojo que mmaja ca wautisaaje ä’döjoojai maato dea? Tönwanno cönä’döa’to: —Ee, ä’döjai mmaja.

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

MATEO 26:43

Cönennacai chea yaawä tönoowanoomadö döiñaiñe mmaja. Wönö’näje mmaja cönä’ja’to dea, jooje wetuujeiñe töweichomjäcä.

MATEO 6:10

töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

MAADOCO 14:36

Töwö cönä’döaacä töwa’deuwödaawä: —Jaaja, tameedä tödööjai ma amäädä. Mädä wäntunaanö’tojo mäiñetuncajoi’che öwwä. Yaawääne’ amäädä ätö’tajäätödö woijeene cödööcä, öwö woije’daane; quee cönä’döaacä.

DUUCA 22:42

cönä’döaacä: —Jaaja, mädä jääcä töweeja’dä’emö naadö öwwä yeetuncajo’se’da aweiya’jäcä mäiñetuncajoi’che. Yaawääne’ amäädä owoije tödööcä, öwö umjummadö woije’daane; quee cönä’döaacä.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.