MATEO 24:5 - Wanaadi A'deddu

⁵ Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe. Jooje soto nätäncu’täjaato’de chäwwäiñe.

MATEO 24:5 Iomraidhean Croise

MATEO 24:11

Jooje ecammajä’nnamo chäänöngemjöncomo naato’de, Wanaadi woija’como wätä’tädö. Jooje soto nätäncu’täjaato’de chäwwäiñe.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

JUAN 5:43

Jaaja woije weejö’jödö weichaame änwanno jumma’da maato. Anejja töwoijato we’ajä yeiya’jäcä mmaane ecaanö’jai maato.

JUAN 8:24

Yääje yeijäcä yääje wä’döaanä äwwäiñe: “Änwanno mä’ja’aato’de ocoone’nadiiyöcoomo ’je dea;” quee. Yeecamjö’da aweiya’comjäcä ocoone’nadiiyöcoomo ’je mä’ja’aato’de; quee cönä’döaacä Jesuuquidiito.

JUAN 8:28

Yääje yeijäcä Jesuuquidiito cönä’döaacä chäwwäiñe: —Soto nnedö annä’a’jäcä äwwäiñe yaawääne odhoowanääcäiñe wa’de ñäädä töwääcamma wääneneedöje weichö, öwö woije mma ännö’da weichö mmaja odhoowanääcäiñe na’dede. Jaaja wwä yoowanooma’jödö que töwa’deuwe wäänene.

1 JUAN 2:18

Önnacoomo’cä, anooto wataamedö cu’nädö aca yä’döaajä mädä eduuwa. Änwanno metaatäne Quidiito tu’de’tänei we’tojo jäcä. Jooje naato eduuwa Jesuuquidiito tu’de’tännamo. Mädääje yeijäcä ene’ju’jai caato anooto wataamedö cu’nädö yä’döaajäje yeichö.

1 JUAN 2:22

¿Änääcö ñäädä töwä’dunaato, quee ’ja? Ñäädä Jesuuquidiito Äwaanacaaneije yeichö ijo’me’dänei, ñäädä ñäädä töwä’dunaato. Yääjato wä’dödö töwä’dunaato ñäädä, Quidiito tu’de’tänei mmaja, Cumöötoncomo tömjome’dä yeijäcä, Iiñedö tömjome’dä yeijäcä mmaja.

1 JUAN 4:3

Ñäädä Jesuuquidiito sotooje yeejö’jödö ijo’me’dänei ’chene Epíiditu Santo ’je’da na; Jesuuquidiito tu’de’tänei woijato ñäädä. Änwanno töneeta mä’ja’quene ñäädä we’tojo. Eduuwa edä nono de’wä töwö na.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.