MATEO 24:3 - Wanaadi A'deddu

³ Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MATEO 24:3 Iomraidhean Croise

MATEO 13:36

Yääje mma yaawä Jesuuquidiito soto cönenno’jaicho. Cönoomomöi yaawä maa taca. Yaawä ñoowanoomadö cöneejoto chäwwadäädä; cönä’döa’to chäwwä: —¿Aaqueneeto jaiñoone yää audaajä dö’seeno mecammajä’annö nä’jaanä? Ecammajä’cä ñaa wwä; quee cönä’döa’to.

MATEO 13:49

Mädääje dea na’de anooto wataamedaawä. Wanaadi amoodedö neja’caato’de yaawä. Soto conemjöncomo nimencaato’de yaawä aashicha’como antawonnoiñe.

MATEO 15:12

Yaawä ñoowanoomadö cöneejoto; chäwwä cönä’döä’to: —Jaadiseeo dajaane cone’da naato yääje äwä’dö’jödö weijäcä; quee cönä’döa’to.

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 16:28

Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de Soto nnedö cajiichaanaje yäänejoodö; quee cönä’döaacä Jesuuquidiito.

MATEO 17:19

Yääje mma yaawä ñoowanoomadö töudäje Jesuuquidiito cöneecamma’joicho: —¿Ane’que’nei ija’canö’jojai’cha ñaa nä’jaanä? quee cönä’döa’to.

MATEO 21:1

Yaawä Wetaajé ña töwä’döa’comjäcä, Jeduusadén ñano jäcä amoinche’da cönä’ja’to, Odiiwo ’jödö je’taca. Yaawä Jesuuquidiito cönaanontoicho aacä tönoowanoomadö.

MATEO 24:27

Tameedä täneemö jeene öwö, Soto nnedö, weejödö na’de, tameedä caju yäncucuudu tönaawanaanö’ca töweiye naichöje mmaja.

MATEO 24:30

Yaawä caju ña näänea’de Soto nnedö cu’tädö. Tameedä soto edä nono de’woncomo naamoaato’de yaawä. Soto nnedö neneeaato’de yaawä, ca’dutu de’wä yeejödö, jäduuje, tawaanato töjääcä.

MATEO 24:37

“Noé weichawä cönä’ja’döje mmaja na’dede yaawä Soto nnedö we’tojo anooto awä.

MATEO 24:39

Towoinchadäiñe yeichöcoomo tunaamä cöneejä yaawä; tameedä cönä’jajoicho yaawä. Mädääje mmaja na’dede yaawä, Soto nnedö weejödaawä.

MATEO 24:43

Odhoowanääcäiñe tödöötacä edääje yeichö: Maa edhaajä yeiya’jäcä naadö naane’, dhowaanäcä yeiya’jäcä mmaane tämeenato weejödö cu’nädö, öncö’da eijai yaawä, tönsomaadö aneememme’jo’da töweichö wetä.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

DUUCA 21:7

Yaawä tönwanno Jesuuquidiito cöneecamma’joicho: —Owaanomaanei, ¿ächännauwä’cä yää nai’che? ¿Ane’cäämö nai’che yää weja’do’tojo ene’ju’tojooje? quee cönä’döa’to.

DOSECHO 1:7

Jesuuquidiito cönä’döaacä chäwwäiñe: —Änwanno odhoowanääcäiñe eijai’cha na yää cu’nädö, dhanootoi’chädö mmaja. Jaaja yää cuncu’nä’täi tumjummadö woije.

EEWEDEO 9:26

Yääje ei’jo mmaane weiñäje Jesuuquidiito äämadö cöneiyacä edä nono tödö’jödö jonnoto’jödöödä. Dha’da cönäänejoichö naane’, tooniye mma eduuwa anooto ataamejai yä’döa’jäcä. Töwö cöneejä conemjönö choccadö wetä saaquidiijiisiyooje töwä’tudu que.