MATEO 23:8 - Wanaadi A'deddu

⁸ “Änwanno mmaane owaanomaaneije äwäätä’täjo’se’da eichäcä, äänönge mma aweiya’como. Tooni töweiye na odhoowanoomaneichomo, ñäädä Quidiito.

MATEO 23:8 Iomraidhean Croise

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 23:10

Cajiichaanaje mätä’täi’chede. Ñäädä mma ñäädä cajiichaana, Quidiito mma.

MATEO 23:7

Tönwanno yaacö’comje tönoiñe täne’madööcomo que soto wwäiñe ta’dejjadööcomo jata antawä; owaanomaaneije tä’tädööcomo yaacö’comje mmaja.

MATEO 26:25

Yaawä Juudha, ñäädä u’nei, cönä’döaacä: —¿Öwö ca ñäädä, Owaanomaanei? Jesuuquidiito cönä’döaacä chäwwä: —Ee, amäädä mma’ne; quee cönä’döaacä.

MATEO 26:49

Jesuuquidiito döiña ñäädä Juudha cönä’döi yaawä, cönä’döaacä: —¿Eetä ja ca’ manä, Owaanomaanei? quee cönä’döaacä. Cunsuumai yaawä.

MAADOCO 10:51

Yaawä Jesuuquidiito cönä’döaacä chäwwä: —¿Aaquene äwä’döjo’se manä öwwä? Ñäädä cönä’döaacä yaawä: —Äwwä wäänu’täjo’se wa; quee cönä’döaacä.

MAADOCO 11:21

Peedhodo cöntö’tai yaawä waju’nä wwä Jesuuquidiito wa’deuwö’jödö jäcä. Töwö cönä’döaacä Jesuuquidiito wwä: —Eneecä’ma, Owaanomaanei, mädä waju’nä aneuwö’jödö tuyu’ta naadö.

MAADOCO 14:45

Ñäädä Juudha wä’döa’jäcä, Jesuuquidiito döiña cöntämä; cönä’döaacä: —Owaanomaanei; quee. Cunsummai yaawä.

MAADOCO 9:5

Yaawä Peedhodo cönä’döaacä Jesuuquidiito wwä: —Owaanomaanei, aashicha eetä caato. Ämmaichomo ñaa nanaamo’ñojo, aaduwaawä; tooni amäädä ämmai, tooni mmaja Moisé mmai, tooni mmaja Edía mmai; quee.

DUUCA 22:32

Yääje yeijäcä Wanaadi wwä we’ca’ne ecamjödööje dea aweichojo. Yaawä aweeconeeca’jäcä ajimmä ijäädu’täcooto’de; quee cönä’döaacä Jesuuquidiito.

JUAN 1:38

Jesuuquidiito cönä’jedennacai yaawä, cöneeneaacä töncäcä yeejödööcomo. Töwö cönä’döaacä chäwwäiñe: —¿Ane’cäämö mujiiyato? quee. Tönwanno cönä’döa’to: —Owaanomaanei, ¿äsha adhe’sadö nai?

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 11:8

Yaawä ñoowanoomadö cönä’döa’to: —Owaanomaanei, eduuwaiche mma judhíocoomo täju que äwääjätö’se cönä’ja’to; ¿yääje yeichaame äätä’se mannea iiña mmaja? quee cönä’döa’to.

JUAN 20:16

Jesuuquidiito cönä’döaacä chäwwä: —Madía; quee. Töwö Madía cönä’jedennacai; cönä’döaacä: —Dawooni; quee. Owaanomaanei, quee töwä’döse yeichö eewedeeo a’deucwe.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 3:26

Tönwanno cöntonto yaawä Juan döiña; cönä’döa’to chäwwä: —Owaanomaanei, ñäädä Joodadán mänsemjo ajaadä cönä’ja’dö, ñäädä mecammajä’aquennö, wautisaaje soto tödöödöcoomoje na. Tameedä soto chäwwadäädä nötaato; quee cönä’döa’to.

JUAN 4:31

Soto ä’dö’dadooto ñoowanoomadö cönä’döa’to Jesuuquidiito wwä: —Ääwashinchäcä Owaanomaanei.

JUAN 6:25

Yääje mma yaawä mänsemjona töwä’döa’comjäcä Jesuuquidiito cöneedantoicho. Tönwanno cöneecamma’joicho: —Owaanomaanei, ¿ächännauwä’cä me’ne dea sadä? quee cönä’döa’to.

JUAN 9:2

Yaawä ñoowanoomadö Jesuuquidiito cöneecamma’joicho: —Owaanomaanei, ¿änääcö cone’nadiiyö jo’tädööje tänuuque’da määdhä cönennui, yuumö’ja, töwööne? quee cönä’döa’to.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

JIIDEMÓN 1:16

Adhaanonööje mma’da töwö na eduuwa, aweichacoonoje mmajaane. Öwwä tujunne na jooje, töwaacö’je äwwä eijai ña, adhaanonööje yeichö jäcäinchädä mma’da, Jesuuquidiito jäcäinchädä aweichacoonoje yeijäcä mmajaane.

SANTIYAACO 3:1

Jimmä, jooje’da owaanomannamooje eichäcä. Jooje’cä jeene Wanaadi wwä cä’mencajaato’de cönwanno owaanomannamo.

1 PEEDHODO 5:3

Ñanno aneedai’chädööcomo edhaajotoncomo nönge aweiyancädäiñe’da edai’chätääcä, aashicha ñeenedööcomooje aweiyancädäiñeene, anöngeiñe mmaja eiyetoode yaawä.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.