MATEO 23:12 - Wanaadi A'deddu

¹² Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö mmaane o’jodhe nä’döja’de.

MATEO 23:12 Iomraidhean Croise

MATEO 18:4

Yääje yeijäcä ñäädä määdhä mude’cä’cä nöngato, o’jodhe chö’tajä’jönö, ñäädä ñäädä täneejucaato Wanaadi sotoi antawäiñe.

MATEO 5:3

—Ta’cwaiñe eijai ñaato ñanno a’ca’como tö’tadö, Wanaadi töcaajichaanaichomooje yeijäcä.

DUUCA 14:11

Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö o’jodhe nä’döja’de; quee cönä’döaacä Jesuuquidiito.

DUUCA 18:14

Öwö yääje wä’döa äwwäiñe: Ñäädääne, acu’shänä jödaatai i’jummaneiñe töcoone’nadiiyö täncwanno’jo cönennacai tömmai chaca, jaadiseeojöönööne. Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö mmaane o’jodhe nä’döja’de; quee cönä’döaacä Jesuuquidiito.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.

1 PEEDHODO 5:5

Chäänönge mmaja änwanno mudeeshi, adhe’jodha’como woijeiñe eichäcä. Tameedäädääne ootowoije eichäcä, o’jodhe ätö’tajä’ancädäiñe’da, Wanaadi töni’wa’tä yeijäcä ñäädä o’jodhe chö’tajä’jönö, o’jodhaato tö’tajäätödö jäcä mmaane nä’jädu’ta töwö.

1 PEEDHODO 5:6

Yääje yeijäcä o’jodhe chö’tajäätö’da eichäcä; töwä’tueene ä’tutääcä ñäädä Wanaadi jäduujato wwä, töwö towaanäcääne adai’jä ayöödötäiye yaawä.