MATEO 21:11 - Wanaadi A'deddu

¹¹ Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

MATEO 21:11 Iomraidhean Croise

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 21:10

Jeduusadén ña Jesuuquidiito wä’döa’jäcä tameedä iiñancomo cönaatansu’doicho; edääje cönä’döa’to: —¿Änääcö mä’dä? quee cönä’döa’to.

MATEO 21:26

Dha’da ’quene, soto woijato mma cönä’jaacä; ca’jäcä cöwwäiñe soto quiiñontaato, tameedä soto Wanaadi wa’deuwödö ecammaneije Juan ecaanö’ajä; quee cönä’döa’to ñanno judhío edhaajotoncomo.

MATEO 21:46

Tönwanno ajäi’she cönä’ja’to. Yaawääne’ soto cönnonta’to, töneecanö’e yeichomjäcä Wanaadi wa’deuwödö ecammaneije Jesuuquidiito weichö.

MAADOCO 6:15

Anejjacoomo ’quene töwä’döe cönä’ja’to: —Edía ñäädä; quee. Anejjacoomo mmaane töwä’döe cönä’ja’to: —Wanaadi wa’deuwödö ecammanei ñäädä, jenaado’jocoomo cönä’ja’todööje mmaja; quee.

DUUCA 13:33

Taadawaajui tödöödöje dea weichojo na eduuwa, jenamma mmaja, jenammato ncadheedä mmaja. ¿Aaquene Jeduusadén ña’da Wanaadi wa’deuwödö ecammanei äämadö deeade’ ?

DUUCA 24:19

Töwö cönä’döaacä chäwwäiñe: —¿Ane’cäämö mma? Tönwanno cönä’döa’to: —Yää Jesuuquidiito Naasade ñano jäcä cöneeja’dätäichö. Töwö cönä’jaacä Wanaadi wa’deuwödö ecammajä’nei jäduujato. Jäduuje cönä’ja’dea täneemö tödöödö jäcä, tameedä soto neneedöcoomoje, Wanaadi owaadäädä mmaja.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

DUUCA 7:39

Yää eneea’jäcä jaadiseeo wwä, ñäädä ääwashinchä Jesuuquidiito a’dejjanei’jödö wwä, töwö cöntö’tajä’acä: “Wanaadi wa’deuwödö ecammanei ñeeneje määdhä weiya’jäcä, dhowaanäcä eichö määdhä wodi tajoojonei masuuduije yeichö;” quee cöntö’tajä’acä.

JUAN 1:21

Tönwanno cöneecamma’joicho dea yaawä: —¿Änääcö amäädä yääje yeiya’jäcä? ¿Ñäädä ca amäädä Edía, Wanaadi wa’deuwödö ecammanei? quee cönä’döa’to. Juan cönä’döaacä: —Ng’jn, ñäädäjöönö öwö; quee. Yaawä tönwanno cönä’döa’to: —¿Ñäädä amäädä, yääje yeiya’jäcä, Wanaadi wa’deuwödö ecammanei töwe’emööje chääcadö naadö? quee cönä’döa’to. Töwö Juan cöneccujä’acä: —Ng’jn; quee.

JUAN 1:25

Tönwanno Juan cöneecamma’joicho: —Yääje yeiya’jäcä ¿ane’cotoojo soto wautisaaje tönnöeiñe määneneeto, Äwaanacaaneijönö aweichaame, Edíajöönö aweichaame mmaja, Wanaadi wa’deuwödö ecammanei neenejöönö aweichaame mmaja? quee cönä’döa’to.

JUAN 4:19

Yää eta’jäcä wodi cönä’döaacä: —Wanaadi wa’deuwödö ecammaneije ätö’ta öwwä.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 7:40

Yää eta’jäcä soto wwäiñe anejjacoomo cönä’döa’to: —Ñäädä dämma määdhä, Wanaadi a’deddu ecammanei töwoomo’quemööje naadö; quee cönä’döa’to.

JUAN 9:17

Yaawä tänuuquemjönö’jödö cöneecamma’joicho dea: —¿Änääcöje nichö’taanä äwwä ñäädä adheenudu choonecaanei’jödö? quee cönä’döa’to. Ñäädä cöneccujä’a’to yaawä: —Wanaadi anoonöje öwwä nichö’ta; quee.

DOSECHO 7:37

Ñäädä dea Moisé cönä’döaacä iisadaaediitacoomo wwä: “Aneedawä Wanaadi töwa’deuwödö ecammanei nanonta’de äwwadäädäiñe, öwö yaanontäneedöje mmaja; ajimmotoncomooje dea na’de. Töwö yoije eichäcä’de;” quee cönä’döaacä Moisé chäwwäiñe.