MATEO 2:6 - Wanaadi A'deddu

⁶ Yää Wedén ñano jata, Judhá nonoodö’jödö de’wono, she’caasa yeichaame edä nono de’wono jata antawäiñe, töquiiñeme’quemje’da na. Yäätä nennua’de Cajiichaana, sootoi edhaajotoncomooje töweiyemö, ñanno iisadaaediitacoomo; quee imennaajä na; quee cönä’döa’to Edoodhe sotoi.

MATEO 2:6 Iomraidhean Croise

MATEO 2:1

Wedén ña Jesuuquidiito cönennui, Judheea nonoodö de’wono jataawä, Edoodhe yää jata cajiichaanai’chädööje yeichö. Yaawä jöwaiñamo cöneejoto shii weja’catoojo dö’senno. Jeduusadén ña cönä’döicho.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

JUAN 21:16

Yää ’jeje Jesuuquidiito cöneecamma’joi chea: —Simón, Joná nnedö, ¿cujummaanä amäädä? quee cönä’döaacä. Yaawä Simón cönä’döaacä: —Ee, Cajiichaana, odhoowanääcä ajummatä weichö. Jesuuquidiito cöneccujä’acä: —Yääje yeiya’jäcä sootoi edai’chäcooto’de, ñanno oweeja nönga’como; quee cönä’döaacä.

JUAN 7:42

¿Yääje jönca Wanaadi a’deddu imennaajä nä’döaanä: “Dawí atöödöje na’de Äwaanacaanei; Wedén ñanooje na’de töwö, Dawí jata’jödö awoono;” quee jönca imennaajä nä’döaanä? quee cönä’döa’to soto.

EUJEESIYO 1:22

Töwö Wanaadi Quidiito cönnöi chea tameedä Cajiichaanaje, tameedä quedeiyentecoomo ju’jäje mmaja.

CODOOSENSE 1:18

Quidiito na chääjö ju’jäje, ñanno quedeiyentecoomo ju’jäje. Töwö na yeicho’como u’neije, awa’deenato töwäämaajo jonnoto waadoncaajä mmaja, tameedä o’jodhaatoje töweichö wetä.

EEWEDEO 7:14

Cowaanäcäiñe na Judhá atöödöje Cädhaajotoncomo Jesuuquidiito weichö. Judhá atöödö Wanaadi wwono wa’deuwödööje yeichojo Moisé aneecamma’da cöneiyacä.

APOOCADIISI 11:15

Yaawä aacä amoojatooto amoode töjaanau’cwai cöneetöi. Wa’deunä cönäätaacä yaawä caju ña, jooje. Edääje ya’deuwödööcomo cönäätaacä: Tameedä nono de’woncomo, ñanno cajiichaanacoomo sotoi, naato eduuwa Cädhaajotoncomo sotoije, dhanoonö Quidiito sotoije mmaja. Töwö Cajiichaanaje na’de yeichöödäje; quee cönäätaacä.

APOOCADIISI 2:27

Jaaja cajiichaanaje yöödöneedöje mmaja. Ñäädä e’jodheinchanei’jödö soto nanontaato’de sejaadadi döaajä yaichadö tönaanontä töweiye naichöje; ädiiñä wesaucwaajä nönge ñanno soto nä’döjaato’de chäwwä.

APOOCADIISI 7:17

Oweeja nnedö’cä tädai’chäneichomooje yeijäcä, ñäädä mude dö’tä naadö. Töwö nadääaato’de acuuwena judu wwadäädä, yää weichojo tuna. Wanaadi nichocca’de yaawä tameedä chäänacuuducoomo; quee cönä’döaacä inchomo öwwä.