MATEO 2:4 - Wanaadi A'deddu

⁴ Yääje mma yaawä Edoodhe cöni’jummaicho tameedä Wanaadi wwä töwa’deuwaamo edhaajotoncomo, tameedä judhío owaanomannamo mmaja. Töwö cöneecamma’joicho: —?Äsha Äwaanacaanei wennutoojo ecammaajä nai? quee cönä’döaacä.

MATEO 2:4 Iomraidhean Croise

MATEO 13:52

Töwö cönä’döaacä chäwwäiñe: —Tameedä owaanomaanei, Wanaadi töcaajichaanaije weiñä jäcä owaanomaajä, dhanwa töjaatuwai töna’duca töweiye naichöje na. Ñäädä dhanwa tönnacoomo wwäiñe nu’jä’a yaawä mösooma, eduuwaato mmaja, jenaado’jä mmaja; quee cönä’döaacä Jesuuquidiito tönoowanoomadö wwäiñe.

MATEO 2:3

Yää eta’jäcä cajiichaana Edoodhe cönääcatoncai, tameedä Jeduusadén ñancomo mmaja.

MATEO 2:5

Tönwanno cönä’döa’to: —Wedén ña yennutoojo ecammaajä na, yää Judheea nonoodö de’wono jataawä. Edäaje naadö naane’ Wanaadi wa’deuwödö ecammanei nimennä’jödö:

MATEO 21:15

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, cöneenea’to yääje tödöödö chäwwä. Mudeeshi’chä cä’tömjätöödöcoomo cöneeta’to dea Wanaadi weichojo taca: “Aashichaato määdhä Dawí weichö;” quee yä’dödödööcomo. Yääje yeijäcä tönwanno cönäätömaicho;

MATEO 21:23

Jesuuquidiito cönoomomöi yaawä Wanaadi weichojo taca. Chäwwä soto owaanomaadawäiñe Wanaadi wwä töwa’deuwaamo edhaajotoncomo cöneejoto yöiña, judhío edhaajotoncomo mmaja, ñanno inchoncomo. Tönwanno cönä’döa’to: —¿Änääcö woije mädä tönnöe määnene? ¿Änääcö cuntui mädä tödöötojo äwwä? quee cönä’döa’to.

MATEO 26:3

Yaawä cöne’jummaicho Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja, ñanno judhío edhaajotoncomo. Tönwanno cönä’ja’to Wanaadi wwä töwa’deuwaamo edhaajotoncomo mmai chaca, ñäädä Caijaasaje chäätö cönä’ja’dö.

MATEO 26:47

Yääje Jesuuquidiito wa’deutaame dea Juudha cöneejä, ñäädä amoojadooto de’wä aaco’como Jesuuquidiito nowaanomaadö jimmä. Chääjadä cönä’ja’to jooje soto, dee dha’meiñe, sauda dha’meiñe mmaja. Tönwanno cönä’ja’to Wanaadi wwä töwa’deuwaamo nanontädööcomo, inchoncomo nanontädööcomo mmaja, ñanno judhío edhaajotoncomo.

MATEO 27:1

Yaawä tööjanaacadä tameedä Wanaadi wwä töwa’deuwaamo edhaajotoncomo tujummä cöna’deuwöicho inchoncomo jadä, ñanno judhío edhaajotoncomo. Jesuuquidiito emaadö cöna’de’toicho.

MATEO 7:29

jäduuje owaanomaadö weijäcä chäwwä, judhío owaanomannamo nowaanomaadö nönge’da.

MAADOCO 8:31

Yaawä Jesuuquidiito cönaajäntäi tönoowanoomadö wwäiñe ecammajäätödö Soto nnedö wäntunaanö’tojo jäcä. Töwö cöneecamma’dea inchoncomo wwä chiiñeme’tojo, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Soto nnedö wäämatoojo mmaja cöneecamma’dea, aaduwaawä anoototo ai yaadoncatoojo mmaja.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 23:10

Yäätä cönä’ja’to dea Wanaadi wwä töwa’deuwaamo edhaajotoncomo, judhío owaanomannamo mmaja; tönwanno jooje Jesuuquidiito cöneementa’to.

JUAN 18:3

Yaawä Juudha cöntämä iiña suddau jadäiñe, Wanaadi weichojo edai’chännamo jadäiñe mmaja. Ñanno cönä’ja’to Wanaadi wwä töwa’deuwaamo edhaajotoncomo nenno’ja’jocoomo, jaadiseeo nenno’ja’jocoomo mmaja. Tönwanno töwaichaqueiñe cönä’ja’to, adhaawa dha’me mmaja.

JUAN 3:10

Jesuuquidiito cönä’döaacä chäwwä: —¿Iisadaaediita owaanomaaneichomo tacaadatooje aweichaame mädä odhoowanääcä’da nai?

JUAN 7:32

Yaawä jaadiseeo cöneeta’to Jesuuquidiito jäcä soto wa’deuwödööcomo. Yääje yeijäcä tönwanno mmaja, Wanaadi wwä töwa’deuwaamo edhaajotoncomo mmaja, waadiya cönaanontoicho Jesuuquidiito ajäiye. Ñanno waadiya cönä’ja’to Wanaadi weichojo edai’chännamo.

JUAN 8:3

Yaawä judhío owaanomannamo mmaja, jaadiseeo mmaja wodi cönnejooto yöiña, töiño jonno anejja dhanwa enaawä töneedanto’jocoomo. Ñäädä wodi cönnöicho yäätoncomo antawäiñe;

DOSECHO 23:9

Jooje cöneewodoicha’to yaawä. Yaawä anejjacoomo jaadiseeo, ñanno judhío owaanomannamo, cönammöicho; cönä’döa’to: —Määdhä dhanwa conemjönö iiñö’jödö ’je’da na. Wanaadi amoodedö’da ca cöna’deuwöichö jääcä chäwwä, anejja Wanaadi nanontädö jeiñe mma. Yääje yeiya’jäcä Wanaadi chu’de’täjai’cha caato; quee cönä’döa’to Paudo jäcä.

DOSECHO 4:5

Yää jenamma naadöje Jeduusadén ña cöne’jummaicho yaawä ñanno soto cajiichaanaichomo, inchoncomo mmaja, judhío owaanomannamo mmaja.

DOSECHO 6:12

Yääje töwa’deuwödööcomo que Eteewa jäcä soto cöneetömaajoicho, inchoncomo mmaja, judhío owaanomannamo mmaja. Yaawä Eteewa maminchadö’jo ñanno cönaajoicho, cönaadoicho yaawä äcamma’jonnamo döiñaiñe.